Manatu o le Fa’atonu - E tatau ona faatinoina le Faaeteete i taimi uma lava

254 Hits

Tusia - Mataafa Keni Lesa

Faaliliu e Seagaitumua Tupuola

 

E le mafai lava ona tatou matua faaeteete. O se amio lenei e tatau i pulega e faasino i ai ona tausisia i le itu i le Siama o Zika a’o ia faaauau pea ona faatupu ma’i patupatu i le salafa o le kelope.  

E ui lava ina tatou le manaomia le faatinoina o se faatiga e le tatau ai, ae tatou te le manaomia foi ona le manatu mamafa i ai. O lona uiga la-e tatau lava ona faatinoina le faaeteete i ona tulaga uma faatasi ai ma le faamoemoe ia puipuia soifua ma o tatou tagata ina ia avea ma faamuamua. 

I le lalolagi atoa i aso nei, ua matua tulai mai atunuu ona o le fefe i se isi mala mata’utia –talu ai lenei siama.  Silasila i le itulau 11 o le nusipepa o loo e faitauina ona e maua lea e faapea ua toe lava o se aga ona faalauiloa mai lea e le Faalapotopotoga o le Soifua Maloloina o le Lalolagi (W.H.O.) se tulaga faafuase’i e tusa ai ma lea siama.

O le Aso Gafua o le a usuia ai se fono faanatinati a tagata popoto faapitoa a le W.H.O. e fai se tonu pe tatau ona faalaua’itele le pipisi o lea faama’i e avea ma tulaga faanatinati tau le soifua maloloina i le lalolagi.

O le sootaga i le va o le siama, tulaga faaletonu o le fanau mai ma faafitauli tau uaua o le tino ua maualuga ai le fefe ma le popole i le lalolagi atoa. Ma e le ona pau ai lena. Ua popole foi tagata popoto faa-foma’i i le sootaga i le va o le Zika ma Guillain Barre syndrome, lea e mafai ai ona tupu mai le pipili ma le pepē o le tino mo se vaitaimi le tumau. 

“O sootaga e mafai ai, na faatoa masalomia talu ai nei ua matua sui atoa ai le tulaga lamatia mai le Zika mai se tulaga tau faamata’u malosi i se uiga tulaga ese, o le faaaliga lea a le Faatonu Sili Aoao o Malo Aufaatasi o Dr. Margret Chan.

O le faateleina o le tulaga ua tupu mai o le microcephaly e uiga ese lona tulaga ese, talu ai na te tuuina atu se avega mamafa i loto o aiga ma atunuu.” E latalata mai i lo tatou atunuu o faailo tau le siama o le Zika na faailoa mai e nisi o tatou tuaoi ua mae’a ona afaina ai nisi.

Mo se faata’ita’iga, e to’alua ni tama’itai Niu Sila e maua i le ma’itaga ua uma ona fai a la fuafuaga e malaga mai i Samoa ua faaleaogaina a la malaga. O le mea moni e faapea e le na o i latou o aafia ai. E ono toatele atu nisi i le taimi nei.

Ae peitai o le la faaiuga e malamalama gofie lava. E ono mafai foi ona ‘ou faia se mea faapea.. O lea mea e faapenei; ua uma ona ia Samoa ni gasegase se tolu ua faamaonia e afua mai le siama o le Zika. E le taua la pe o le tausaga talu ai poo le tausaga nei, o le mea moni e uiga i lea mataupu e faapea o le siama o le Zika o loo i totonu o Samoa.

O le a se mea ua uma ona fai e mautinoa ai ua uma ona tali atu i ai ona o lea ua faamaonia ia gasegase? Ma o le a le pogai o le faatoa ta’u mai ia i matou i le taimi nei? Aisea na le ta’u mai ai ia i matou i le tausaga talu ai ina ua maua ia gasegase? 

A tatou mafaufau i ai, o le musu o le Matagaluega o le Soifua Maloloina e tali mai i fesili e uiga i le siama o le Zika  e matua uiga ese. E pau o le mea ua matou iloa, o lenei tulaga semanu e matua mata’utia lava ae o lea e matua leai lava se mea o i totonu o le malae lautele e faasino i ai se’ia o’o mai i le vaiaso talu ai.

O le mataupu la e faapea e ono mafai ona i ai ni gasegase na mautinoa e le soifua maloloina lautele ae faapefea gasegase o loo togafitia o foma’i tua? O le a se faamaoniga o ia i tatou  e faapea e le sili atu ni gasegase tau Zika na maua iinei? 

O le mea moni e sili atu. Ua mafai e le Matagaluega ona faaali tino mai nuu o loo maua ai le siama o le Zika ma afai o i ai-sa i ai ni fuafua tau le faa-asu na fai e taofi ai le siama mai le sasao atu? I luga la o se tulaga popole, sa i ai se faasiliga i gasegase tau Microcephaly i Samoa nei i le 12 masina talu ai poo se taimi faapena> Afai sa i ai, o fea nuu? 

Ma e i ai se mea ua fai e faafeagai ai ma lea tulaga? O le itua lea e tau faailoa atu e faapea e tatau ona maua e tagata o le atunuu faamatalaga sa’o ma fautuaga malamalama e uiga i lea mataupu. A pa’ia loa le itu i tau faamata’u e pei o nei siama, e le mafai ona matou maua se mapu.  

O le mafaufauga tau faamata’u e faapea o namu lava ia e feavea’ia le Chikunya, latou te feavea’ia foi le siama o le Zika. Ma afai o le tulaga lea, ua ia i matou la mafuaga autu e tatau ai ona popole pe a fua i le tulaga o le pipisi o le  Chikungunya i le tausaga talu ai. 

I le amataga o lenei vaiaso, na una’ia le Faatonu Sili Aoao o le Matagaluega o le Soifua Maloloina o Leausa Dr. Take Naseri na te aveeseina atugaluga e uiga i lea siama ma fai mai e leai se mea e popole ai. 

 “O la matou fautuaga i tagata ia mautinoa o loo sa’oloto o latou aiga mai namu,” o lana faaaliga lea. I le itu i atugaluega tau le Chikungunya, fai mai Leausa o le aofai o gasegase o le siama o le Zika e le taitai ona latalata i le maualuga na ‘ausia e le siama o le Chikungunya. 

“O loo i ai se avanoa telē,” o lana faaaliga lea. 

Ia ua lelei lena, a ‘ea?  Ae poo le a lava-matou te talitonu e taua ona matua faaeteete. E sili atu le saogalemu i lo le faanoanoa, o lo’u lea manatu. E tusa ai la ma lena fuaitau, o loo tusia i lalo nisi o fautuaga pe faapefea ona e puipui ma leoleo outou aiga mai le siama. Ia outou nonofo i le saogalemu ma ia outou maua Samoa se faaiuga matagofie o le vaiaso, ma ia faamanuia atu le Atua!  

 

Puipuiga Tau le Soifua Maloloina Lautele :

• Ia puipuia mai le ‘ai e namu-e ala i se ‘ofu lima uumi; faaaoga ni mea tuli namu ma vailaau e fana ai iniseti; faaaoga pupuni o fale ma momoe itoton o ta’inamu aemaise ai lava mo pepe, tama’ita e mau i le ma’itaga, tagata matutua ma tagata o i ai ni tulaga faaletonu; 

• Faaitiitia o le Punavai – e ala i le faamamaina o lou lava siosiomaga e te soifua ai / faatama’ia o nofoaga uma o tau-tuufua ai Namu  e pei o pa’u taavale tuai, pepa una mo le suavai ma taga, faamamā alavai ua poloka poo ua puni ma toe faafou paipa i totonu o fale ma fafo ma isi… 


© Samoa Observer 2016

Developed by Samoa Observer in Apia