Tautuana fanau

By Ulimasao Fata 29 November 2017, 12:00AM

O le maua ai o le fa’atalatalanoaga a le Fofoga Samoa ma Venu Venu na ia fa’ailoa ai le tulaga mafatia o lo’o ua i ai nei le atunu’u i le va o matua ma fanau.

“Ia o a’u ia o lea lava le tulaga e pei ona ua i ai nei vaitau, e le sologa lelei ai pea mea uma i lo’u ia iloa i ai.

“O le itu e silasila toto’a i ai aua o lea lava le tele o aiga i le atunu’u ia o le fa’amalosia lava o mafutaga a fanau ma matua.

“O le ave ai la e fanau o fa’ataitaiga lelei mo matua , fa’apea fo’i matua o se itu lelei tele lea i lo’u ia lea iloa i ai.

Na ia ta’ua o se itu faigata tele lea.

“Ia e pei o le tele lava i lenei vaitau, ua faigata lava ona fai se upu i fanau i le  tele o le mau suiga ua i ai nei. 

“E ao ai lava i matua ona matua’i silasila toto’a ai pea i vaega uma nei mo le silafia o le atunu’u aemaise o le tulaga e pei ona ua i ai nei.

“Ua leo toe faigofie nei aso , ua sau fa’atasi lava suiga lelei ma suiga leaga, lea ua tatou vaai ai ua tele ina ‘a’afia ai nai o tatou fanau.

“Ae o o’u ia iloa i ai aua le mapu le fa’atonu atu o nai o tatou fanau, ia o tatou iloa ma mautinoa lelei ia ua ese la aso ma nei aso.

“O le tele lava o fa’alavelave alia’e mai ia o nai o tatou fanau, aemaise o le tulaga faigata ua i ai nei, ae ao lava ina o tatou fa’amalosi ia e manuia ai o so’o se taumafaiga.

“Ia o tatou fa’atino vaega uma aua le lelei alu i luma o aiga, aemaise o nai o tatou fanau ia maua se lumana’i manuia aua le atina’eina o tatou aiga.

By Ulimasao Fata 29 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>