Ia fa’ataua tupulaga

By Ilia L Likou 29 October 2017, 12:00AM

E ao lava ona maua se avanoa e i ai le leo o tupulaga talavou i so’o se saofaiga.

O lea le finagalo fa’aalia o Peniata Peniata i le Fofoga o Samoa i le aso ananafi.

“E pei o le tulaga masani lava lea ua i ai si o tatou atunu’u o se itu  faigata tele ua i ai, ona e pei e le taua tele le sao o  tupulaga talavou."

“Ae pei o lo’u ia iloa i ai, e ao lava i nai o tatou tagata ona fa’ataua lelei fo’i lo latou leo aemaise so latou sao i saofaiga o lo’o ua i ai nei."

“E le faigofie le tulaga fo’i lea o le  taumafai atu ae pei e fa’amaa’amulu fingalo o nisi ae peita’i o lo’u lava ia iloa i ai."

“Ia taumafai lava i so’o se tulaga ina ia mafai ai ona fa’atino o so’o se vaega e fesoasoani ai ma lagona ai le leo o tupulaga talavou."

Na ia fa’ailoa o le tele o tupulaga e taotaomia lo latou saolotoga ona o le aganu’u.

“Ia o lena e pei ua masani ai fo’i ma si o tatou atunu’u aua o nai tupulaga talavou e le faia ni tonu i totonu o aiga aemaise lava saofaiga a matai."

“E pei o i latou nei e gafa lava ma feau aemaise o tulaga o lo’o i ai nei le aganu’u, ia e vala’au lava o le malosi o nu’u."

“Aua e pei o le mamafa lava o feau ia e ave i ai latou te fa’atino ina ma o se itu fo’i le le i la’u ia va’ai e tatau lava ona silasila toto’a i ai."

“O le mea fo’i lea ou te iloa e tele ina tutupu ai nisi o fa’alavelave ona o le le mafai lea ona fa’atauaina fo’i so latou leo ma o se itu e ao ai lava ona toe va’ava’ai atu i ai."

“Ia e pei lava la o le aganu’u fo’i lava lea e tosoa atu ai le tele o mea fai i totonu o falefaigaluega, ma i a te a’u lava ia."

“E tatau lava ona ave’ese lea uiga, ma ia taumafai e tu’uina atu pea i latou i se itu fo’i le le e mafai ona fa’ailoa mai lo latou manatu aemaise o finagalo."

By Ilia L Likou 29 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>