E ui ina feagai ma faigatā ae o le fiafia lava

Tusia Pai Mulitalo Ale ,

124 Hits

Samaria Afa Samoala.

Samaria Afa Samoala.

O lea le finagalo  o le tinā  i a Samaria Afa Samoala o Pu’apu’a i le Fofoga o Samoa e ui o se olaga faigata o lo’o feagai ma ia i le tausia ai o lona aiga.

O le tautino ai o le tinā, 33 le matua o le soifua i lea fa’atalatalanoaga na ia fa’ailoa ai o lea lava le tulaga na ola ane ai i totonu o le aiga.

O nei fa’afitauli ua foliga mai e le’o i ai se tali lelei aua se suiga o le olaga o lo’o ua i ai i le taimi lenei.

Na ia fa’ailoa o le to’atele o tagata ua liliu ese mai le tele o talitonuga sa i ai ona o tulaga faigata lava o lo’o i ai le soifuaga.

O le tele o taimi na ia fa’aalia e ave ai le fa’amuamua i mea fai o le lotu ma le nu’u.

 “O lo’u ia talitonuga i ai e ao lava i le malo ona fai se fuafuaga i nei vaega uma ma o se taimi tatau fo’i lea mo le mataupu e fa’atatau i le aganu’u.

O Samaria o lo’o ia tausia lona tinā lea ua 87 le matua o le soifua ma e leai se eletise mo se moli o le aiga.

Na ia ta’ua o le vai na ave ai le fa’amuamua ina ua nonofo i Pu’apu’a ae o le taimi nei  o lo’o tausaili se seleni mo le eletise.

 “ O nei aso ua taugata le soifuaga o lo’o ua i ai nei, ma e ao ona faia mea uma aua lava le sologa lelei ai o totonu o aiga ma so’o se vaega.

O le aiga o Samaria o lo’o fa’alagolago i le fa’atauina o fua fa’ato’aga aua lava le aiga.

“E ui lava la o lo’o i ai vaega nei e fa’alagolago ai le aiga, ia ae le taitai ona lava le fa’asoa ona o le tele lava o vaega o lo’o tilotilo atu i le tele o taimi.

© Samoa Observer 2016

Developed by Samoa Observer in Apia