Tapena le Tausala Samoa Niu Sila mo le Tauvaga i le Teuila

Tusia Spasifik , Miss Samoa NZ Facebook ma Fa’aliliu e Maiava ,

872 Hits

Le Tausala Samoa Niu Sila ua filifilia o Naomi Fruean

Le Tausala Samoa Niu Sila ua filifilia o Naomi Fruean (Photo: Fata Tuialii)

I le fa’amanatuga o le 25 tausaga talu ona fa’avae le Tausala Samoa Niu Sila talu ai nei, na taualuga ai lea fa’amoemoe manaia i le fa’apaleina o le tama’ita’i o Naomi Fruean, e avea ma Tausala Samoa Niu Sila, lea o le a fai ma sui o Samoa uma i Aotearoa, i le Teuila ia Setema.

O isi toalima o tamaitai tauva pito i luga.

O isi toalima o tamaitai tauva pito i luga.

O isi toalima o tamaitai tauva pito i luga.
O isi toalima o tamaitai tauva pito i luga.

O le aulia ai o le 25 tausaga, ua avea ai nei ma vaega aupito leva i totonu o Niu Sila mo lea fa’amoemoe. Na ta’ua e le Fa’atonu o le Tausala Samoa Niu Sila o Ulalemamae Te’eva Matafai - o ia fo’i o se tasi sa tauva muamua ai ma ua 21 nei tausaga o galue-fua ai – o se ‘ausaga e matua mitamita ai lava. 

O tausala e ono pito i luga, sa filifilia lava mai tausala e 16 sa tauva, ae na faia lea filifiliga i luga o upega-tafa’iLagi, ona fa’atoa filifilia ai lea o le vaega mulimuli i le po lava lea ma fa’apaleina ai loa le Tausala Samoa Niu Sila.  Sa fa’amasinoina tama’ita’i-tauva e fua i fa’atalanoaga i le gagana-Samoa, o le Siva Samoa, le mata’alia, ‘aulelei ma le tausa’afia. 

O fa’amasino sa faia le fa’ai’uga, e aofia ai Tu’u’u Apulu Kalala, Mary Tanuvasa ‘Autagavaia, Sherry Lunjevich nee Elekana, Louis Thomsen, Charlene Tedrow ma Latafale ‘Auva’a.  Na ta’ua e Ulalemamae, ua tele le suiga o le tauvaga talu le amataga i le 1991, e le gata ina ia o-gatasi ma tulaga tatau ua iai nei i le Seneturi 21, a o le tu’umamaina fo’i o le tau o tapenaga ‘ese’ese lea sa feagai lava ma tama’ita’i-tauva ta’itasi. 

 “E aofia ai le tau o la’ei pei o la’ei fa’aleAganu’u, o puletasi ma la’ei uma e fa’aaoga i le tauvaga,” o le fa’aaliga lea a Ulalemamae ma ta’ua fo’i, o le tele o pa’aga-lagolago sa fesoasoani tele i tama’ita’i-tauva mo le totogiina o isi tupe mo mana’oga fa’apitoa. E silia i le 500 le ‘au-maimoa sa iai e aofia ai le Konesula o Samoa, o Faolotoi Reupena Pogi, o le Tausala Samoa talu ai, o Latafale ‘Auva’a, lea sa faia ni ana fa’afiafiaga fa’atasi ma Malu Measina ma le ali’i-pese o T’Nay.

© Samoa Observer 2016

Developed by Samoa Observer in Apia