E manuia aiga pe a felagolagoma’i

By Aruna Lolani 29 June 2017, 12:00AM

O le sini autu o so’o se ulugali’i o le mafaufau tasi ma le galulue fa’atasi.

O le talitonuga lea a Rosita Tau’aina.

O Rosita e 28 le matua o lona soifua ma e sau o ia mai le nu’u o Toamua ma Puipa’a, na maua atu o ia e le Fofoga o Samoa, o fa’atau ana niu i autafa o le auala.

“E to’alua lau fanau, e to’atasi o lo’o aoga i Saina ma lesi toatasi o lau pepe ma o lou fiafiaga lava latou,” o lana tala lea.

O Rosita e feagai ma le vaaiga o lana fanau ae o le tama o le aiga, o ia o se faifaiva.

“O iinei a i lea itu e faatau ai a maua oloa mai le faatoaga aua e faafesagai lelei a ma le aiga o si ou toalua.

“Na ou sau la ananafi fa’atau au niu ma o lea foi ua ou toe sau nei, aua ua leai foi ni mea e faia. E lelei a la lea e maua ai se fesoasoani mo le aiga.

“O iinei foi e faatau ai ia a lou toalua pea iai ae mai lona faiva.

“Ao le faatauga o au niu; sa maua lau seleni ananafi, e oo atu i le $80 ma o nei la lea fa’atoa $4 le tupe loua maua mai i niu e fa, aua e lei leva tele na ou tapena mai.

“E ave a la le maua faamuamua ma si ou toalua isi ma fanau aemaise o lea lava e laiti.

“E tele a le fia faigaluega ia, ae faafaigata a ona o le fanau, e manaomia lava le tausi ma vaai aua o le lei taitai.

“Soo se matua e mafaufau tasi a aua e ave a le latou faamuamua ile fanau aua o lumanai ia o aiga aemaise o le atunuu.”

By Aruna Lolani 29 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>