Talanoaina e Samoa fefaatauaiga, ma oloa e auina atu i fafo

314 Hits

Na fono le Peresetene o le Asosi Gaosi-Oloa  & Auina atu oloa i fafo (S.A.M.E.), o Tagaloa Eddie Wilson, pulega faatonu ma sui auai o le S.A.M.E.ma le savali mai le Iunaite Setete ma Iapani i le Travellers Point Malifa, i le vaiaso talu ai. 

O lea fonotaga sa silasila ai i taumafa ua uma ona tapena mo le auina atu i fafo ma oloa tau mea inu mai Samoa mo le Iunaite Setete o Amerika ma le maketi a Iapani.  

O lea savali sa taiuu ai Crystal Corcorad, le tama teine a le afafine o le Palemia muamua o Samoa –o Tofilau Eti Alesana ua tuumalo. Na malaga mai o ia faatasi ma le FL Network a Pule Faatonu a le Iunaite Setete ma Iapani faapea foi ma latou fai sao autu i totonu o Tokyo Iapani.  

Na molimauina e lea savali oloa filifilia talu ai nei a Samoa mo le Auina atu i fafo-e pei o le Pacifi Oils virgina coconut oil; le boutique pia a Samoa e pei o le Vailima Export, Pure & Vailima Natural-faapea foi ma le Taula, Manutagi ma le Sama; o Snack mai le Tropical Crisps, Cocoa Nibs ma le Paste mai le Nora’s Plantation, Wilex Samoa’s Milk & Dark Chocolates ma le Macadamia ma Almonds a Samoa lava ia, le sosi Chilli a Samoa lava ia, CCK Honey & Kofe, falaoa matau mai le ‘Ulu ma le suau’u avoka a le SROS; faapea ma le tele o ituaiga o le Sua o le Nonu mai le tele o o tagata o le SAME e auina atu i fafo oloa. O le FL Network a le Iunaite Setete o Amerika e 365 ona faleoloa i le salafa o Iapani ia latou te tufatufaina atu a latou oloa ma faafaigaluegaina le sili atu i le 7,000 tagata. 

.Sa ta’ua e Tagaloa le tulaga lelei o oloa a Samoa e pei ona molimauina e le savali, ma le mea moni e faapea o le ‘au-gaosi oloa o le atunuu e ISO 9001:2008 ma faamaonia e le HACCAP.

Na faafiafiaina le savali i le tulaga lelei o oloa sa faaaliga ma faailoa lo latou fiafia i uta faata’ita’i o oloa faapea foi ma lo latou malilie e falulue faatasi ma le SAME I le itu tau afifiina ma le faailogaina o oloa fou mai Samoa ua fuafua mo maketi a Iapani ma le Iunaite Setete.

© Samoa Observer 2016

Developed by Samoa Observer in Apia