Fana Tagata faatautala ua faate’ia ai le nu’u

Tusia Ilia L. Likou ma Faaliliu e Seagaitumua Tupuola ,

212 Hits

Ua matua faate’ia tagata o Fale’ula ona o se faalavelave lea na fana ai se alii-ma mulimuli ane ona maliu i le falema’iO lea alii talavou mai Fale’ula na fana e le isi alii i le faagasologa o se finauga lea na vave ona liua ma mea mataga i se taimi vave.

Na faaalia e se tagata o le aiga lea na talanoa i le Samoa Observer ae ia ‘aua ne’i faailoaina lona suafa-o lea faalavelave na tupu i le vaiaso ua mavae atu. “Na matou faalogoina le pa leotele mai le fale sa latou inu (‘ava malosi) ai ma matou iloa ai e i ai se mea ua faaletonu,” o le faaaliga lea a le tamaitai.

“O le taimi lea o le leva o le po. “E le’i umu ae sau se tagata na ta’u mai i lo matou aiga e faapea ua fana o ia ma o loo i se tulaga faigata ma.

“Na ave o ia i le falema’i lea na maliu ai i ni nai aso mulimuli ne ai.”E tusa ai ma lea tagata o le aiga, latou te le o mautinoa le pogai o le finauga. 

 “Ona pau o le mea ou te iloa e faapea sa aafia ai le ‘ava malosi ona tupu ai lea o se finauga i le va o ni alii se to’alua. Sa ta’u mai ia te a’u ua onanā i la’ua ma tago ai loa le isi i le fana ma fana ai le isi. “Ou te mautinoa lelei ua matua onanā lava i la’ua.”

Na faamaonia e le Fofoga mo Nusipepa a le Matagaluega o Leoleo o Maotaoalii Kaioneta Kitiona, le fanaina o lea tagata, fai mai o le alii ua tuua’ia o loo feagai ma se moliaga tau le fasioti tagata.

© Samoa Observer 2016

Developed by Samoa Observer in Apia