O OE SE A?
A’oa’o ina oe ia lava
ina ia e malamalama a i
i aga a isi atunu’u
ia aua fo’i le avea lou iloa
ma mea e fa’agalo a i
lou iloa o tu ma aga
a lou lava atunu’u
Tofotofo imea fa’a papalagi
e le ina ia avea ai oe o se papalagi
a ia e iloa ai le taua
o mea fa’a Samoa
A’oa’o e tautala i le Gagana Samoa
e le ina na ona fa’afoliga a i
o oe o se Samoa
a ia matua lagona ai le a’ano
o le loto Samoa
O le mea sili i ia mea
o le iloa ma mitamita
i lou tupuaga
ia le pei ai oe o i latou
o lo’o tu’ufesili pea
O a’u ea o se a?