Ua tonu i le Palemia e “faasa’o” le Faavae

By Lanuola Tusani Tupufia 30 May 2016, 12:00AM

Ua saga faamaonia atili e le Palemia, Tuilaepa Sa’ilele Malielegaoi ona mafaufauga e uiga i se teuteuga o le Faavae e tusi ai e faapea o le Talitonuga Faa-Kerisiano o le tapuaiga aloa’ia lea a Samoa.

I lana polokalame i vaiaso taitai ma le Leitio 2AP, sa faamamafa e Tuilaepa le mana’omia o le faasa’o o se mea sese lea na ia ta’ua e faapea na fai e tagata mai fafo i totonu o le Faavae.

“Ona pau lava lena o le toe teuteuga i lt Faavae,” o lana faamalamalamaga lea.

 “Ina ia faasa’o ai le mea na fai e Papalagi, Sa manaomia e o tatou tua’a e tuuina atu lena mea i totonu o le Faavae. O le faatomuaga e le taua ae o totonu o le tino o le Faavae, sa tatau ona tuu i ai nei upu e faapea o Saoa e faavae i luga o faiga faa-Kerisiano ma aganuu piliota e faamanino ai.”

Na toe ta’ua e Tuilaepa e faapea o ia upu e le o talafeagai ma le tino o le Faavae e tatau ona i ai..  “O le pogai lea ua ‘ou fai atu ai o le a faasa’o lena tulaga; e faaogi i ai ia upu i totonu o le tino o le Faavae,” o lana faaaliga lea.

Ae peitai-o le mea ua ‘ou vaaia i totonu o nusipepa, fai mai o loo tapu isi tapuaiga ma o se manatu faavalevalea lea.”

Na te le’i ta’ua poo le fea nusipepa e faasino i ai lana faaupuga.Na toe ta’ua e Tuilaepa le taimi ua alu, sa manana’o le ‘aumatutua e faaofi i ai suiga i totonu o le Faavae ae sa fai atu Papalagi ia i latou  e ‘aua ona o le a tele ai upu ma sa leai se tulaga feteena’i i lena taimi.

“Ae peitai- e le o se mea moni lena i le faagasologa o nei aso talu ai mea o loo tutupu i atunuu mamao e mafua mai talitonu ma lotu. O le pogai lea ua ‘ou fai atu ai o le a faasa’o lea mea sese ae ua ‘ou vaaia i totonu o le nusipepa fai mai Tuilaepa o le a ma le a.”

Sa faaauau pea le faaaliga a le Palemia ma fai mai o lona tulaga e tusa ai ma lea mataupu e “faigofie lava.”  Ae peitai e leai se mea o tupu iinei,” o lana faaaliga lea. “O lea tatou te talanoa i le gagana Samoa  ma le mea o loo tupu e faapea ua toatele na’ua tusitala ia e matua Samoa atoatoa ae le malamalama i le gagana Samoa.

“O le pogai lena e faaauau ai pea ona ‘ou tautala i le gagana Samoa ina ia mafai ai ona malamalama lo tatou atunuu.O le faafitauli ona tou te manatu e mafai ona outou tautala i le gagana Peretania lea e alu e pei o le la’au su’isu’i ona e manatu lea ua e poto ae ua na o na faaalia ai o lou valea.

Na ia toe ta’ua e faapea o le upu na ia faia e matua manino lava ae “a ou vaai i le nusipepa, e matua sese atoa e afua mai Sini.”

O le isi mataupu na ta’ua e le Palemia e faapea o le le faasa’oina o se mea sese, o se agasala lea. “Tatou talanoa la e uiga i le agasala tusa lava pe le o i tatou o ni faife’au,” o lana faaaliga lea.

“E agasala le tagata pe a latou faia se mea sese e pei o le pepelo ma le sauaina o se isi lava tagata ae o le isi agasala o le iloa lea e faapea ua fai e le isi tagata se mea sese, ae leai sau mea o faia i ai. O le mea lea-e lua ituaiga o agasala  e faapea, pe a e faia se mea sese ma pe a e iloa e i ai se mea e le o sa’o ae te le o faasa’oina.”

By Lanuola Tusani Tupufia 30 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>