Lagona eseese e uiga i le aso malolo o le Tuto’atasi

Tusia Deidre Fanene ma Faaliliu e Seagaitumua Tupuola ,

119 Hits

Ua tuuina atu e le Matagaluega o Fefaatauaiga, Alamanuia ma Leipa se faasa’oga i le faasilasilaga o aso malolo mo tagata uma mo le Aso Faamanatu o le 54 Tausaga o le Malo Tuto’atasi o Samoa.

O lea faasilasila faalaua’itele sa faaalia ai e faapea o tagata lautele, vaega tau pisinisi, tagata e fai faleoloa tagata e faafaigaluegaina tagata faigaluega ma tagata faigaluega ua toe fautuaina e faapea e tusa ai ma le fuaiupu 2 o le Tulafono o Aso Malolo o le Malo 2008, o Aoso Malolo mo Tagata uma na faalauiloa atu e faamanatu ai le 54 tausaga o le Malo Tuto’atasi o Samoa e faapenei: 

• Aso Malolo mo Tagata uma  – Aso  Lulu, 1 o Juni 2016

• Aso Malolo mo Tagata uma Public – Aso Tofi, 2 o  Iuni 2016-05-28 

• Aso Malolo o le Komisi mo Tagata Faigaluega a le Malo e na o le Aso Faraile   3 o  Iuni 2016.

O le Aso Faraile 3 o Iuni o le aso masani o pisinisi ae le o se Aso Malolo mo Tagata uma. O lenei aso ua faatatauina foi o le Aso o Faatauga mo le Tuto’atasi. . O lenei faasilasilaga faalaua’itele ua le fiafia ai nisi o tagata faipisinisi ae o isi ua faamavae mai le sailia o le tulaga moni o le faaiuga a le malo.

O Moe Lei Samoa le pule o le Moe Lei Samoa Variety Store fai mai o ia aso malolo e luau a afaina ai lana pisinisi. “E mafai faapefea i le malo ona manatu  e mafai ona matou ola pe a tele nei aso malolo?” o lana fesili lea.

“O se mea e le amiotonu lenei mea mo matou, o le uiga o la’u faamatalaga-ua tele na’ua ai nei aso malolo, sa fai Aso Malolo o le Faiga-Palota, ona soso’o ai lea ma le Aso o Tina, Aso o le Tuto’atasi, Aso o Tama ma le Aso Sa Pa’epa’e. 

“Ou te manatu ua na o Samoa le atunuu e tele na’ua ana aso malolo mo tagata uma. E faapefea ona manatu le (malo) e ola pisinisi pe afai e fai aso malolo mo tagata uma i masina uma? O le isi pisinisi lauiloa, o le pule lea o le Island Rock Company e le o fiafia tele i lea tulaga.

Fai mai Tuaopepe Jerry Wallwork e manaomia e pisinisi uma le lima aso faigaluega e faamalie ai a latou fuafuaga tau faatau ae o le fai o nei aso faigaluega e tolu, ua una’ia ai tagata uma. “Mo le tolu aso, matou te le mafai ona faamalie la matou fuafuaga ma o le a faitauina o se tupe maumau lea mo a matou pisinisi,” o lana faaaliga lea.

Fai mai Ms. Lei Sam o le tulaga tau tamaoaiga o Samoa i aso nei ua matua leaga lava ma ua pagatia tagata.

 “Ou te fia faamanatu atu i le Palemia e faapea o a matou tagata faigaluega e faalagolago ia i matou ma afai o le a faaauau pea ona fai nei aso malolo-o lona uiga –o le a matou le mafai ona totogi a matou tagata faigaluega.O se mea lenei e tatau ona ia silasila i ai.”

“Afai ua tonu ia i latou e fai nei aso malolo-o lona uiga-o lo’u manatu e tatau fo’i ona faa-‘afa totogi o tagata faigaluega ona e le tatau ona matou totogiina o latou totogi atoa ae leai se galuega o faia. “Sa ‘ou valaau foi i le M.C.I.L. ae na latou faatoese mai ma fai mai o le faiga lava lea o loo faagasolo ai.”

 “O nei aso malolo o loo faaopoopoina pea ma o lona uiga-o le a faagasolo i lalo pisinisi, ma i aso nei- e le o toe tutusa-ona ua taugata le soifuaga ma e fia ola tagata.”

Ae ui o lea, e leai se mea tatou e mafaia ona ua uma ona fai le tonu e le malo i lenei mataupu o le mea lea-tatou ai ia faapea. O le isi tagata faipisinisi tuto’atasi lea e le o fia faailoa lona suaga fai mai  o ia aso malolo e mafai ona lelei pe o se mea leaga foi.

“Ou te manatu e leai se mea o i ai ona o ia aso e lua o le a tatou mafuta ai ma o tatou aiga,” o le faaaliga lea a lea tamaitai. “E mafua ona o le toatele lava o tagata, e matua leai lava so latou taimi mo latou aiga-ona o lo latou pisi tele i le faagaoioiga o a latou pisinisi ma popole i isi mea ae ou te manatu o le a lava nei aso malolo e faaalu ai se taimi tele latou te manaomia mo latou aiga.”

“Ou te iloa o le a afaina ai pisinisi ae faaaoga e avea ma mea lelei mo i tatou matua.E le tatau ona tatou soona popole i tupe ae ia maua le taimi ma o tatou aiga-o se taunuga lelei lea mai nei mea uma.”

© Samoa Observer 2016

Developed by Samoa Observer in Apia