TALA FAASOLOPITO O SAMOA MAI LE AMATAGA

29 April 2016, 12:00AM

TULAFONO O LE ELEELE SA I APIA 1879-1886

Lautusi mai Mataupu Tau Samoa-Na tuuina atu i le Maota o le Palemene o Lonetona,1889.

E UIGA I LE LUMAFALE O LE AAI

Talu ai ona ua mana’omia mo le soifua maloloina lautele ina ia faataamilo sa’oloto le savili i totonu o le taulaga ma ia ‘aua ne’i faalavelaveina e fale e latalata i le sami ma le ta’otoga o le matafaga o le taulaga, o lea ua lapata’ina ai tagata uma ina ia ‘aua ne’i toe fausia pe toe faafouina fale poo fausaga o soo se ituaiga o fale i le itu i matu poo le itu i le sami o le alatele o le malo o loo i ai nei, i le va o le faleoloa o Thomas Trood i Matafele ma le faleoloa o Ruge, Hedemann and Co. I Matautu, e aunoa ma se faatagaga faapitoa mai le Komiti Faatino o le Eleele Sa, o lea faatagaga e faatoa mafai ona tuuina atu mo le fausi o fale va’a ma fale faapena e lata i le sami. 

O soo se soliga o lenei Tulafono Faatonutonu o le a faasalaina i se sala tupe e le silia le $100 poo le tolu masina e nofo ai i le falepuipui faatasi ai pe leai ma se galuega mamafa-30.1.1880.

E UIGA I FALE FOU

1. A’o le’i faatuina soo se fale i poo e latalata i se alatele o le malo i totonu o le Eleele Sa o Apia, e tatau ona talosagaina se faatagaga a le Komiti Faatino o le Eleele Sa- e ala i le tuuina atu i ona luma o se ata tusi o ia fale, faatasi ai ma se ata faata’ita’i o le fale o le a faatu.

2. E leai se fale o le a tatau ona faatagaina pe afai e aliali mai o le a fai ma faalavelave i le toe faalauteleina o se alatele o le malo i le lumana’i.

3. E leai se fale, i le avea ma tulafono, o le a tatau ona fausia i luma atu o le laina o fale o loo i ai nei.

LISI O LE TUSIGA-IGOA O TAGATA MAI FAFO SA NONOFO I LE ELEELE SA O APIA.

Tagata Amerika: Mr. F. Miller, W. Peterson, Jonas Coe, L. Hamilton, F.V.Alvod, W.M.Williamson, Chas Scroggs, David S. Parker, Charles T. Netzler, Charles Fruan, William, Henry Fruan, William Morris, Alred S. Stanley, Jeremiah Scanlan, Michael Scanlan, Ines Scalan, John Pratt, Thomas Young, C. Mc Ilheny, Peter Uleburg, P.C. Bloomfield, J.G.Dotterweich, C.F.Gramlich, Jas Devoe, half cast, John Johnson, Thomas Schmidt. William H.Dunn, Charles Stellar, William Herder, H. Rulido, William Neilson. 

Tagata Siamani:Theodor Weber, August Godeffroy, Albers, Gertzen,  A.R. Decker,  R. Parkinson, Ad Volkman, Martin Ruge, N. Harder. A Bauer A.M. Schultz, F.C.Brant, E.F. Brant, Kitner, G. Kronfeldt, F. Petersen, Teodor Axmann, A. Hettig, F.W.Bauer, L.Hoffer, W.Sohuler, E. Hannemann, O. Kopah, G. Deutzlemann, H.L. Schacht, A. Schernbeck ma W. Olteuaun.

29 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>