Toe Faafo’i mai taavale se!

By Lanuola Tusani Tupufia 29 March 2016, 12:00AM

Ua uma ona auina atu se tusi faa-savali i Matagaluega uma ma Pisinisi a le Malo ina ia toe faafo’i atu taavale ia sa faaapga e Faipule ia ua le toe fo’i mai ma teu i fale taavale” – Tupaimatuna 

Iulai Lavea

O Minisita talu ai ma Minisita Lagolago ia sa faamanuiaina e ala i lo latou faaaogaina o taavale a le malo i le faagasologa o le paeaiga mulimuli a le Palemene talu ai-ua tatau ona latou toe faafo’i atu ia taavale i le taimi nei.

O le tulaga lena ua i ai nei e tusa ai ma le Ofisa Sili o Pulega o le Matagaluega o Tupe, o Tupa’imatua Iulai Lavea.

Ua uma ona auina atu se tusi faasavali i Matagaluega uma lava ma Pisinisi a le Malo ina ia toe faafo’i atu taavale ia se faaaoga e Faipule ia ua le toe tulai mai, ma ia faafo’i atu e teu i fale taavale,” o le faaaliga lea a Tupa’i i le Samoa Observer.

Na te le’i faailoa mai pe fia ni piki’apu ma ni SUV’s ua uma ona faafo’i atu. E to’aiva Minisita Lagolago ia sa tuuina atu i ai taavale lelei o le ituaiga o le ‘hilux pickup” i le faagasologa o lea vaitaimi ua le o toe fo’i mai ina ua mavae le faiga-palota lautele.

E to’avalu Minisita o le Kapeneta e aofia ai ma le Ta’ita’i o le Itu Agai o Palusalue Faapo II, Sui Fofoga Fetalai o Agafili Patisela Eteuati ma le Sui Palemia muamua na latou maua le faamanuiaga o le faaaogaina lea o taavale o Toyota Prados.

Ina ua fesiligia e uiga i tuuaiga e faapea na lavea se pikiapu a le malo i se Minisita muamua mai Savaii i Savaii i le faagasologa o le palota, fai mai Tupa’i na te le iloa lea tulaga. 

Ae mo le taavale a le ta’ita’i muamua o le Itu Agai, sa faamalamalama e Tupa’i e faapea o lea taavale ua uma ona tuuina atu i le Matagaluega o Tupe. O loo fealua’i ai nei le Minisita fou o Tupe, o Sili Epa Tuioti. 

O lea taavale na tuuina atu i le Ta’ita’i o le Itu Agai ina ia tusa ai ma mea e agavaa i ai o ia i lalo o le tulafono ae le mo le itu vaega a le Tautua.”

By Lanuola Tusani Tupufia 29 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>