Manatu o le Fa’atonu - Le a sou finagalo?

By Marj Moore 29 March 2016, 12:00AM

O le isi lea mea e lelei ai mea nei o nusipepa, e te le tau faitaua ia mae’a lelei, mai le amataga e o’o i le fa’ai’uga.

Ua mae’a lava ona fa’avasega lelei ina ia na ona silasila-vave iai, atonu pe toe-faitau fo’i nisi vaega i se isi taimi o le aso. 

O le to’atele lava o le ‘au-faitau, na ona fia silasila lava i ulutala, a’o nisi fo’i, na o le susu’e o itulau ma va’ava’ai pe iai se mea manaia e tau iai, pe mae’a fo’i ona faitau o le tala i le itulau muamua, ona toe fo’i lea i tala i ta’aloga, le vaega o le Samoana, o tala malie po’o fa’asalalauga fa’apisinisi fo’i, e fua lava i le mea e mana’o iai le tama a le ‘olomatua ia. 

O nisi e fa’atopetope le silasila i le vaega e fa’aalia ai lagona ma finagalo, e aofia ai Manatu o le Fa’atonu, o Mafaufauga ma Tusi i le Fa’atonu o lo’o iai. 

Ae afai o lau susuga o se tasi e fiafia i finagalo fa’aalia po’o se vaega fo’i e ono finau ai, o lo’o iai lava vaega uma na mo le mamalu o le ‘au-faitau.

O Manatu. E tofu le tagata ma ona manatu ma i si o’u tama’i-iloa, e ta’avili manaia ai lo tatou lalolagi.

I le tala i le itulau muamua o le pepa lenei, o lo’o fa’ailoa ai lagona o le Fono a Ali’i ma Faipule lea na fa’amaonia e le Fa’amasinogao Fanua ma Suafa, ma afaina ai se tasi o aiga ma le nu’u atoa. Iva tausaga o fa’aAu-nu’ua ma e foliga mai o se fa’amalamalamaga o le pule a le nu’u na tu’uina mai e le Fa’amasinoga, lea ua toe taliu ai lea aiga e fa’aauau ona soifua i o latou fanua ma ‘ele’ele. 

Lea e le’i leva ona te’a atu o faiga-palota tele talu ai nei, ae o lo’o anoanoa’i le mau mafaufauga ma lagona e uiga i filifiliga sa faia nei, i latou ua filifilia nei ae maise e ua le-manuia ae maise ai la le filifiliga e le Palemia o Ali’i Minisita ma Minisita Lagolago.

Ta’ilo fo’i i le poto o Solomona e faia ai ni fa’ai’uga fa’apea, ae talitonu na o’o-o’o lava ma asiasi le tofa, i tomai ma agava’a, o taleni, o le matua o le soifua, sa silasila i itumalo, o ali’i ma tama’ita’i, o taui ma fa’asalaga ae le-tu’ua ai tama-masani o fe’alo’alofai, faitogafiti ma le-toe’e. 

Ae maua ai lava le fa’amalieina ma talanoa ai fo’i i le isi lima tausaga o muamua. 

O talanoaga fa’atupu manatu ma lagona, i mata’upu ‘anoa, o le isi lea vaega e taua ai finagalo ma mafaufauga o tagata, ae maise lava ae tutupu ai o ni pefea.

O nisi fa’afitauli fa’apena ua toe manatua, o sauaga i le lotoifale fa’apea le mata’upu o tina ma tama’ita’i e avea ma ta’ita’i.

O le fa’alauiloaina fo’i fa’alaua’itele o sauaga fa’aLotoifale – e ui ina mataga ma fa’alumaluma, a ua tele lava sona sao aoga mo lenei atunu’u ma tulaga mo’omia tatou te fia soifua uma ai.

Moni e le o se togi ma se lavea, peita’i ua tatou silafia uma ai nisi o vaega e le toe mafai ona natia. 

Lea ua malama i ulugalu ma nofofale Sa Tuiama’a i suiga e le’i iai muamua i tausaga ua mavae.

Ua anoanoa’i fo’i talanoaga e uiga i tina ma tama’ita’i ia avea ma ta’ita’i e le gata i le itu-vai lava o tina ae fa’apena fo’i i ali’i; lea e matua silafia lelei le sao o tina ma tama’ita’i i so’o se vaipanoa o le ola nei, e aofia ai ma le gaseseina o taumafa.

O se toe tepa tasi ia latou o lo’o tutu mai nei e fa’atamo’e le tele o matagaluega a le Malo, o pisinisi, o A’oga ma Iunivesete ae maise o tatou aiga, e maua ai se malamalama’aga i tomai ma agava’a ae maise o taleni fa’aTa’ita’i a tina ma tama’ita’i.

I le vaiaso ua alu atu, e matua anoanoa’i finagalo fa’aalia o nisi o le ‘au-faitau e uiga i se fofo e fa’amuta ai vesiga a tamaiti-a’o’oga. 

O nisi o fautuaga na tu’uina mai, e matua ogaoga ma tau-matapogia ai pe a manatu i le mamafa, ua alagatatau ai ona fa’atusa i fa’ai’uga o lo’o faia i nisi atunu’u o le lalolagi, lea e fa’afetaia ai, e le saofaga i Samoa nei. 

I le itulau e 14 o le Pepa Fa’apapalagi, o lo’o iai se finagalo fa’aalia o T Samatua, e taua tele fo’i. Ua toe tepa i tua lana susuga, ma fa’apea ai, ua tatau ona silasila i suiga fou ma tilotilo lelei lava tatou i ni tali, ae soia le fa’atali i e na mafua ai le vevesi.

O lo’o iai fo’i le isi finagalo, mai ia Rebecca Lolo, i le amio lava lea ma le tatou masani, o le tusitusi-lima po’o ai ua sese a’o ai fo’i e mafua ai le pisa. Isi tagata. 

O finagalo lelei, o manatu fa’atupu-manatu fo’i, a’o tatou iai i le fa’ai’uga o Aso Malolo o le Aso Maliu i lenei tausaga. 

By Marj Moore 29 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>