Fa'amanatu le Aso Ausetalia!

Tusia Ilia L Likou ,

61 Hits

Afioga ile Ao ole Malo Tuimaleali’ifano Va’aletoa Sualauvi II, Tuilaepa Sailele Malielegaoi, ma le Komesina o Ausetalia i Samoa Sue Langford.

Afioga ile Ao ole Malo Tuimaleali’ifano Va’aletoa Sualauvi II, Tuilaepa Sailele Malielegaoi, ma le Komesina o Ausetalia i Samoa Sue Langford.

O le  afiafi o le Aso Faraile na fa’ailogaina ai le Aso o Ausetalia i Samoa nei ma o se fiafiaga tele i le Malo aemaise o le to’atele o i latou na mafai ona auai.

Na saunoa le Afioga i le Palemia i le taua ai  o lea aso fa’asino i le Malo o Ausetalia ma a fua atu i le tele o tausaga o le so’otaga vavalalata o atunu’u e lua aemaise o le sao taua o Ausetalia i le tele o atina’e o le atunu’u.

Na ia fa’ailoa o se itu taua tele lea mo le aga’i ai luma o le atunu’u aemaise o faigapa’aga mo atunu’u e lua i le tele o tausaga.

O lona talitonuga, o le tele o le mamalu o le atunu’u o lo’o ua autova’a atu i Ausetalia ma nonofo ai aua sailiga manuia ma o se tasi lea o fa’ailoga o le so’otaga vavalalata aemaise o le amana’ia pea o Ausetalia o o tagata nu’u o Samoa.

O lea afiafi na fa’atumulia i malo mai atunu’u i fafo aemaise o Samoa nei.

Na fa’amanuia le Palemia i le atoa ai o lea aso taua i le malo tele o Ausetalia ma na momoli atu ai ma alofa’aga o le atunu’u mo lea fa’amoemoe tele e pei ona sa i ai.

© Samoa Observer 2016

Developed by Samoa Observer in Apia