A ma’umau fale na alu ai le fia-miliona tala

239 Hits

O nofoa ua ufi e le vao ua matua aligaliga le fa’aletonu i le va’ai ae maise e foliga o se nofoaga e lafoa’i iai lapisi fa’apea le pa ua ‘elea ma fa’asolo ina pala.

O nofoa ua ufi e le vao ua matua aligaliga le fa’aletonu i le va’ai ae maise e foliga o se nofoaga e lafoa’i iai lapisi fa’apea le pa ua ‘elea ma fa’asolo ina pala.

Ripotia e Vatapuia Maiava

Fa’aliliu e Maiava

 

E le gata ina ufi e vao ma vaoa lea lotoa, a ua fa’asolo fo’i ina pala isi vaega o fale-ta’alo o i le Malae Ta’alo i Faleata.

E miliona ma miliona tupe a le ‘Aufailafoga na alu i le fausia o fale-ta’alo nei mo Ta’aloga a le Pasefika i Saute i le 2007 na fai mai i Samoa nei.

Ae mai lava i lena taimi, e laiti lava fale o lo’o fa’aauau pea ona fa’aaoga. Fale ia e aofia ai le Fale-A’au ma le Maota Ta’alo Tele lea na toe fa’aleleia ma toe fa’afou mo le Fono a Malo o Motu Laiti TauAtia’e (SIDS) i le 2014.

O le isi vaega o lea ‘ele’ele ua fa’aaogaina nei mo vaega e pu’e ma gaosi ai le malosi-fa’afouina mai le la.

Peita’i, o isi vaega o le malae, o fale ma isi mea-taugata na alu ai tupe, o lo’o ta’atitia le-aoga ai lava e o’o mai i lenei taimi, ua fesiligia ai e nisi o le atunu’u, pe toe fausia ma fa’aleleia ae pe o le a fo’i le mea o le a fa’aaoga iai.

O le nofoaga mo ta’aloga o le softball / baseball le isi vaega e aofia ai i vaega e foliga mai, ua tu’u-tia’i.

O nofoa ua ufi e le vao ua matua aligaliga le fa’aletonu i le va’ai ae maise e foliga o se nofoaga e lafoa’i iai lapisi fa’apea le pa ua ‘elea ma fa’asolo ina pala.

Ua tele ni taumafaiga e fa’afeso’ota’i le Pulega o Fale Ta’alo a le Atunu’u mo se fa’amatalaga, peita’i, e le manuia lava.

© Samoa Observer 2016

Developed by Samoa Observer in Apia