Talanoaina e le Palemene faaunegatupe Faailoa lava le tala a le Faipule ia

194 Hits

PALEMIA: Tuilaepa Sa'ilele Malielegaoi, Lealailepule Rimoni Aiafi and Palusalue Fa'apo II.

PALEMIA: Tuilaepa Sa'ilele Malielegaoi, Lealailepule Rimoni Aiafi and Palusalue Fa'apo II.

Tusia - Lanuola Tusani Tupufia 

Faaliliu e Seagaitumua Tupuola 

 

O Faaunegatupe mo le atiina a’e e le mafai ona ‘alofia. O lenei laina e masani lava ona sau mai le malo e tali atu ai i fesili e uiga i le faaune mai o tupe, ae i totonu o le Palemene ananafi, o se leo fou na faalogoina. O lea si’ufofoga o le si’ufofoga o le Fofoga o le Tautua Samoa Party, o Lealailepule Rimoni Aiafi.

O le lauga lea a le Faipule o Faleata Sisifo i totonu o le Palemene i le faagasologa o le felafolafoa’iga faalaua’itele o le tala faatatau faaopoopo a le Palemia o Tuilaepa Sa’ilele Malielegaoi. “O Faaunegatupe e le mafai ona ‘alofia e le malo,” o lana faaaliga lea. “E faapena foi mo isi lava (isi uma lava) malo i le lalolagi atoa.” 

O le soifuaga o Samoa i aso uma, fai mai Leala o le nonoina o tupe ma le faatauina faa-aitalafu o oloa o le mea e masani ai. “A toe mafaufau i aso ua mavae, a ‘ou vaai atu o le a tuuina mai se tupe ou te alu ma a’u i le faleoloa, ona ‘ou fiafia lava lea,” o lena faaaliga lea ma ta’ua aso o lona la’ititi.

“Ae a ‘ou vaai atu ua aumai ia te a’u le (afi aitalafu), o le a ‘ou matua ita lava.  “Tusa foi pe ou te taunuu muamua i le faleoloa, e tatau lava ona ‘ou faatali se’ia uma ona fai muamua faatau a tagata e o atu ma tupe, ona faatoa fai ai lea o la’u faatau.

O le a fesili mai le faatau oloa pe o le a le mea ou te mana’o i ai ona ‘ou fai atu lea na ‘ou sau e aitalafu atu sa matou mea’ai…..ma o le tulaga lava lena o loo i ai le soifuaga o loo tatou ola ai.” Na faafetaia e Leala le Tautua Samoa Party ona o le faaauau pea ona lapata’ia  le faigamalo ina ia tu’u le nono mai o tupe ma le faailoa so’o mai o le manatu e faapea e tatau lava ona mafai e le atunuu ona toe “totogi atu faaunegatupe.” O le taimi tonu lena na faalava ai le Palemia o Tuilaepa Sailele Malielegaoi. 

E i ai foi lanai a tala e fia ta’u mai. I lona ta’ua o le taimi sa galue ai i Europa, fai mai Tuilaepa e na o le fa vaiaso talu ona ae tonu loa ia te ia e faatau se taavale mo lona aiga. “Na ‘ou alu i lea atunuu ma le mafaufau na ‘ou maua mai iinei e faapea a e alu i le faletupe e nonō mai se $2,000, latou te fai mai e leai, ona latou faamaonia lea na o le $1,000,” o le faaaliga lea a Tuilaepa. O lea na ‘ou alu ai tilotilo i le taavale ma ta’u atu i le papalagi ou te mana’o e faaune se $5,000 pe a fua i le tau o le taavale.

Ou te le tau totogiina se lafoga talu ai ona o a’u o se sui taualoa o se atunnuu ae ana o ni Papalagi e galulue ai, semanu o le tau ia i latou e $15,000.” O lea na ‘ou fai atu ai ua lava le $5000 ae fai mai le papalagi e mafai ona latou aumaia ia te a’u le $100,000 talu ai ona o le tagata ou te faigaluega ai e teu faafaigaluega ana tupe ia i latou ae sa ‘ou finau atu lava ua lava se $5000 talu ai ou te le mana’omia se tupe tele faapena.  

 “Ua ‘ou faailoa atu lenei tala talu ai e ese Samoa mai atunuu mamao.” 

Na toe ta’ua e Tuilaepa e faapea e le tatau i le Itu Agai ona faaauau pea lona lapata’ina o lana faiga-malo e tuu le faaune mai o tupe. Fai mai a ia o lana pulega e matua faaeteete tele pe a pa’ia lea itu.  Na tula’i le Fofoga o le H.R.P.P. ma o le Minisita foi lea o Tamaitai, Nuu ma le Atiina A’e o Nuu –o Tolofuaivalelei –e lagolago Tuilaepa.

Sa faamanatu atu e Tolofua e faapea e iloa e tagata matutua ona fuafua ma le tatau le faaaogaina o a latou tupe. Fai mai a ia i nisi lava itu, e ui lava ina i ai ni tupe a se tama’ita’i matua, e taua ia te ia ona faasao mo faalavelave ae auina atu lana tama i le faleoloa e aitalafu mai se mea’ai.

I lona ta’ua o le silafia o Leala, fai mai Tolofua-e ono mafai ona faapea a’o itiiti le Faipule sa fiafia i le to’alua o le faatauoloa ma atonu o le pogai lea sa le fiafia ai. Ae peitai- fai mai Palusalue – e o’o lava i tamaiti e matamuli e aisi.

“O manatu faaalia o le Palemia ua manino mai ai na te teena la matou fautuaga,” o le faaaliga lea a Palusalue. Ae peitai sa vave ona faalava Tuilaepa. Na ia faamanatu atu ia e faapea na umi lana lauga i le Aso Lua ina ia faamalamalama le tulaga tau tupe o le ina ia faamalamalama ai le tulaga le malamalama na pogai mai ia Palusalue.  “Whenever you go to World Bank, the loans are approved because we have the ability (to pay back). “Ou te le’i fai atu ou te le talia lau fautuaga.

Na ‘ou fai atu e le faatali le malo i la outou fautuaga, o loo i ai lava ta’iala matou te mulimuli ai.” Ae peitai, e le’i solomuli Palusalue. Fai mai a ia o le nonō faatautala e le malo o tupe ua afaina ai le atunuu. O le taunuuga o lea tulaga o le mativa, o lana faaaliga lea. Na faaleaogaina e Tuilaepa le mau a Palusalue, fai mai e le iloa e le taitai o le Itu Agai se mea e uiga i le mativa.

© Samoa Observer 2016

Developed by Samoa Observer in Apia