Fiafia faatasi tagata Samoa ma Tagata Ausetalia i le Aso o Ausetalia

131 Hits

Paul Bolger, Lana Afioga i le Masiofo Filifilia Tamasese, Lana Afioga i le Ao Maamalu o le Malo Tui Atua Tupua Tamasese Efi ma Jackie Frizelle.

Paul Bolger, Lana Afioga i le Masiofo Filifilia Tamasese, Lana Afioga i le Ao Maamalu o le Malo Tui Atua Tupua Tamasese Efi ma Jackie Frizelle.

Tusia - Samantha Goerling

Faaliliu e Seagaitumua Tupuola 

 

O se faafiafiaga uiga ese mai le Don Bosco Technical Centre o le taualuga lea o le faamanatuina aloa’ia o le Aso o Ausetalia i Tiapapata i le po o le Aso Lua.

O lea koneseti itiiti lea sa matua faafiafiaina ai le aofia o se vaaiga muamua lea o se mea e ono mafai ona faaalia e le Don Bosco pe a latou malaga taamilo i Ausetalia i taimi faai’u o lenei tausaga. 

Sa filo i lea ‘au-maimoa le Ao o le Malo, Lana Afioga Mamalu Tui Atua Tupua Tamasese Efi, le Masiofo, Lana Afioga Filifilia Tamasese, le Palemia, Tuilaepa Sa’ilele Malielegaoi, Minisita o le Kapeneta, sui o malo mai fafo ma tagata Ausetalia o i totonu o Samoa.

Sa talimalo ia i latou le Hai Komisi o Ausetalia, o Sue Langford, o ia lea na faamamafaina le taua o le faiga-paaga a Ausetalia ma Samoa e tusa ai ma le atiina a’e o tomai, a’oga, galuega tetele, galuega e o’o lava i taaloga.  “Matou te manatua, ma le mitamita, le matafaioi a ni tama taalo Samoa sa taaalo i le  ‘au a le Wallabies i le Ipu o le Lalolagi i le tausaga talu ai,” o le faaaliga lea a le Tamaitai, e faasino ia Scott Sio, Mat Toomua, Christian Leali’ifano ma Will Skelton. 

E faaopoopo atu i lea itu, na ta’ua e le Tamaitai le ‘auga o le aso o le atunuu. “O le Aso o Ausetalia i le 2016 o loo faamanatu ai le tele ma le tautiga. O Tagata mai ni atunuu e 170 o le lalolagi latoute faaigoaina Ausetali o loo latou aiga-e aofia ai ma le 60,000 ia afai e le’i fananau i Samoa ia pe Samoa foi o latou tupu’aga,” o le faaaliga lea a le tamaitai. Na faaalia e le Palemia o Tuilaepa le malosi o sootaga ma faiga faa-paaga o ituaiga e tele i le va o atunuu e lua. 

“O le faateleina o le aofai o tagata Ausetalia-Samoa o el vaega tumau lea o le sootagata i le va o tatou atunuu e lua ma o le a tumau pea ona faapena i le lumana’i,” o lana faaaliga lea.

E i ai le tulaga taua o le ‘Samoan Diaspora e fai ai se sao e sili ona taua i le eseesega o tagata Ausetalia ma fesoasoani ai e faamalosia faamaumauga o Ausetalia e avea ma atunuu e tele ituaiga o tagata o loo nonofo ai.” Na faamuta le lauga a le Palemia i lona tuuina atu o se faamanuia “i le tulaga manuia ma le sologa lelei o le malo ma tagata o Ausetalia.”

Ina ua o’o i le taimi o Don Bosco, sa latou usuina ma le mitamita le vi’i o le Tagavai a Samoa ma le Wlatzing Matilda-o se pese lauiloa lea a Ausetalia. I se taimi mulimuli ane o le tausaga nei, i le aso 18 o Aokuso, o se vaega o tamaitai a’oga e to’a-sefuluiva ma se auafaigaluega e to’atolu o le a malaga atu i Ausetalia mo se malaga taamilo umi e tasi le masina. I le faagasologa o lenei taimi-o le a faafiafia lea vaega i Perisipane, Melepone ma Sini e aofia ai ma isi Salesian Schools i na nofoaga.

I sana faaaliga i le Samoa Observer, fai mai Joseph Iosefo, o se sui o le aufaigaluega ma o ia foi lea o se vaega o lea vaega-o koneseti  o le a tasi poo le lua itula le umi ma o le a avea ma faaaliga faaleaganuu  o “aso ua leva ma aso nei.” O pese o le usuina i le gagana Samoa , faa-Peretania faapea foi ma le gagana Latina ma e aofia ai nisi o pese a Ausetalia. 

. O lea malaga o le a faatupeina atoa e le John Bosco Technical Centre Alafua pe a mae’a se taumafaiga saili-tupe maoa’e lea o le a faamaopoopoina e le aufaigaluega. O fufuaga i le taimi nei e aofia ai se afiafi e taumafa ai se kofe mo ni malo e tasi le afe.

Sa faamatala e Iosefo e ui lava ina o le malaga o le faasoa atu lea o le aganuu a Samoa ae anoano foi isi ona faamanuiaga taua tele.  

“O lea malaga e faasino i le faasoa atu o le aganuu a Samoa ma le tausisia ia malosi  le sootaga i le va o Ausetalia ma Samoa. E faasino foi i le faiga-uo. E le gata ina matou mananao e faaso atu le aganuu a Samoa ae matou te fia iloa foi le aganuu a Ausetalia.. O  Selesian Schools e pei lava o le aiga i la matou a’oga.”

© Samoa Observer 2016

Developed by Samoa Observer in Apia