O tofi uma e mai le Atua ia - Lemauga

By Ilia L Likou 27 December 2017, 12:00AM

O lea le fa’amalosia’u a le Sa’o o le Aiga i a Lemauga Fiso o Lotofaga i  Matai Fou na  fa’ae’e i le aso ananafi o latou suafa.

E aofia ai i matai; Oloali’i (iva), Tagoa’e (1) ma Logotaua (1).

Na fa’ailoa e le Sa’o o le Aiga i a Lemauga Fiso le agaga fa’afetai ina ua mafai ai lea ona fa’ataunu’uina ma le manuia le fa’amoemoe o le aiga.

“Ia e pei o lea lava le agaga fa’afetai i le taimi lenei, e se tala pepelo lea, e pei ona ua i ai nei le fa’amoemoe o le aiga.

“O tofi uma e aumai le Atua e fesoasoani i aiga.

“E leai lava se tasi e sili atu nai lo le viiga e tatau i le Atua ona o lona alofa ma le agalelei ua mafai ona maua mai ai lenei aso.

“E lei faigofie ae na  mafai mea uma lava ona o le fesoasoani mai o si o matou aiga ma o le itu sili lea ona taua i a te a’u lava ia i lo’u iloa i ai.

“O le mea lava e ao ona silafia ia e le se tofi e nofonofo ai , e leai, o le tofi e galue ma auauna ai i so’o se itu e mafai ona fa’atinoina aua le lelei alu i luma o aiga, ekalesai, nuu ma le atunu’u.

Na ia fa’ailoa o le a toe silasila fo’i le aiga i le aga atu ai le lumana’i.

‘Ia e pei o lea lava le agaga maualuga o lo’o ua i ai le taimi lenei, o le itu mautinoa e le mafai ona fa’atino o so’o se faiga po o ni o tatou fuafuaga pe a  le galulue fa’atasi.

“O lea lava le tulaga o lo’o ua i ai nei, ma e fai mea uma ma le alofa aemaise o le fa’atasi mai o le Atua e manuia ai fuafuaga fai uma mai lea so i lea aso.

“O lo’u iloa i ai, ia e le mafai ona fa’atino nei vaega se’i vagana ua galulue fa’atasi ma le alofa aemaise o le ola fefa’apalepalea’i o aiga.

Na fa’ai’u lea aso tele i fa’aaloaloga masani.

By Ilia L Likou 27 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>