Fa’alavelave tau-ta’avale i le Aso Sa mulimuli o le 2015

186 Hits

<p>TOFU I LE ‘AUTU:  E le o se va’aiga manaia mo le Aso Sa mulimuli o le 2015.</p>
<div><strong><br /></strong></div>

TOFU I LE ‘AUTU:  E le o se va’aiga manaia mo le Aso Sa mulimuli o le 2015.


Ripotia e Deidre Fanene

Fa’aliliu e Maiava

Na mimilo-‘ese ne’i fetoa’i ni ta’avale ae ninimo ai i lalo o le ‘autu si ali’i lea i le taeao ananafi i Vaitele, a’o to’ulu mamafa timuga.

Sa fa’aletonu le ‘auala i lea taimi – e mase’ese’e lava luma ane o le ACP i le taimi na tupu ai le fa’alavelave.

 “E fa’atamala lava le ‘ave-ta’avale lea,” o le fa’aaliga lea a se tasi na va’ai tino i le mea na tupu.

“Sa le tatau lava ona taumafai e fa’asao le ta’avale na tipia ia aua o le ta’avale lena e sese, ae le o ia.

“’Ou te iloa le ali’i lea (‘ave-ta’avale) ua popole ne’i feto’ai  le ta’avale na tipia ia ma lana ta’avale, lea na ‘alo ai ae tomo ai i le ‘autu.” 

Na ta’ua fo’i e le molimau, ua na le mataua le isi ta’avale ona sa vave ona tupu le fa’alavelave.

“E fa’afetai lava ona e leai se tasi na manu’a pe afaina. Atonu e tele se fa’aletonu ae fa’afetai i Le Atua o le Aso Sa mulimuli lenei o le 2015, e le’i o’o i se tulaga matua mafatia mo le ‘ave-ta’avale lea.”

Sa vave ona ‘auai le vasega o Leoleo i le nofoaga na tupu ai lea fa’alavelave ma taumafai ai e toso i luga le ta’avale, peita’i, na faigata ona o le tetele o timuga i lea taimi.

E le’i mafai ona maua mai o se fa’amatalaga mai le ave-ta’avale o le ta’avale la’u-pasese. 

© Samoa Observer 2016

Developed by Samoa Observer in Apia