Ia tautua lelei mo lou aiga

Tusia Ilia L Likou ,

47 Hits

Mati Meafou mai Malie.

Mati Meafou mai Malie.

O le tautua ai o aiga o se itu taua tele lea.

O lea le talitonuga o Mati Meafou mai Malie, i le fa’atalatalanoaga ma le Fofoga o Samoa i le aso ananafi.

“Ia o a’u e ui’i ai lava o le fanau ma o se itu lelei tele lea i a te a’u o lo’u nofo e va’ai o’u matua ma tausi i o’u tuafafine.

“O se itu lelei a misi mai galuega ae o lo’o aoga le malosi e tausi ai matua ma o se itu e ao ona silasila lelei i ai le taimi lenei.

O lana galuega i aso uma o le uso lea i le ma’umaga.

“Ia e pei o lo’u ia lea iloa i ai le olaga, o le fa’aaoga tatau lava o le malosi e fa’atino ai o so’o se galuega, aua o le itu mautinoa lava lea.

“O le olaga lenei ua leai se vaega fo’i lea o le leai o se galuega ona e nofonofo lea, e leai, o le itu lelei ma le taua o le taumafai e una’i o so’o se taumafaiga aua le aga’i atu ai le lumanai.

Na ia ta’ua o se itu taua tele le va’aia ma tausia lelei o matua ma aiga.

“Ia o le uiga o la’u tala e fiu lava e feoa’i i o ma i le lalolagi ae o matua lava e maua ai fa’amanuiaga e tele, ma o i fo’i tatou te va’aia ai lava le fiafia o tatou loto i taimi uma..

‘E moni lava o lo’o i ai nisi tulaga po o nisi o lo’o tausia ae o ita lea e nofo le fale o se itu lelei tele lea i le va’ai atu i ai...

“E leai se mea e popole ai le loto ae na’o le fa’afetai i le Atua i lea aso ma lea aso ua ia fo’ai, ma o lea lava le savaliga o lo’o ua i ai le taimi lenei,....

“O lo’o fa’apea ona taumafai ai le tausiga o aiga aemaise o matua o lo’o ua ua tausi...

© Samoa Observer 2016

Developed by Samoa Observer in Apia