Faifa’ato’aga fuala’au’aina

Tusia Aruna Lolani ,

51 Hits

FAI FAATOAGA: Atu Pologa mai Afega ma Leulumoega.

FAI FAATOAGA: Atu Pologa mai Afega ma Leulumoega. (Photo: Aruna Lolani)

O le masani lava o le olaga, e te amata mai lava i se mea iti.

O le talitonuga lea a Atu Pologa mai Afega ma Leulumoega.

E 25 le matua o lona soifua ma sa ia fa’aali se manatu fa’apea ona o ia o lo’o tau amata mai lona olaga e ala lea i le galue fai fa’ato’aga.

“O le matou aiga e fai la matou fa’ato’aga kapisi, tamato, kukama ma maukeni,” o lana tala mai lea.

“O a’u a lea ou te galue fa’atasi ma na i o’u uso e to’alima aua le atina’eina. Aua e uma fo’i ona fa’atau atu lea i le maketi a le au Ah Liki i o Taufusi.”

O Atu e lona lima i se fanauga e to’aiva ma o lo’o soifua pea o latou matua.

O le mafua’aga lena o lo’o galulue malolosi ai latou i le taimi aua se lumanai lelei o le aiga.

“E leai a se faigata i le fa’atau ina atu  o matou o loa aua e i ai foi tagata e vili mai fai a latou oka ona matou  foi lea e galue ina ia maua mai.”

“Aua o le taimi fo’i nei o lo’o matou faia oka a le Farmer Joe ma isi lava aiga.”

“E le atoa se eka o le matou ma’umaga ae e ofi uma ai totonu a matou kapisi ma i si mea o lo’o tau atina’eina.”

“E lelei a lea galuega aua le tau atina’e ina o aiga aemaise lava matua o lo’o soifua.”

“O se naunauta’iga mo le lumana’i; o le mafai lea ona sefe se matou seleni aua le fausiaina o se matou fale i le lumana’i.”

A e fia maua ni au kapisi, tamato, kukama po’o ni maukeni fo’i mai ia Atu Pologa, fa’amolemole fa’afeso’ota’i o ia i le numera 7746460.

© Samoa Observer 2016

Developed by Samoa Observer in Apia