Ta’utinoga A Sagato Aokusitino-Ola Faata’ita’i Ia Keriso

28 August 2016, 12:00AM

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer. 

E AO INA TATOU TEENA I TATOU LAVA MA FAATA’ITA’I IA KERISO E ALA I LE KOLUSE

Lo’u atali’i e-afai e mafai ona e alu ese mai ia te oe lava-ona mafai lea ona e ulufale mai ia te A’u. Ia e mulimuli mai ia te A’u: O A’u o le ala, o le upu moni ma le ola.

A leai se ala-e le mafai ona e alu, a leai se mea moni-e le mafai ona e iloa, a leai se ola-e le mafai ona e ola. O A’u o le Ala e tatau ona e mulimuli ai; o le Upu Moni- e tatau ona e matua talitonu i ai; o le Ola- e tatau ona e faamoemoe i ai. O A’u o le Ala e le mafai ona suia; o le Upu Moni e le mafai ona sese; o le Ola e faavavau.

O A’u o le Ala Sa’o; o le Mea Moni e silisili ese, o le Ola moni, o le Ola ua faapa’iaina. Afai e te tumau i Lo’u Ala-o le a e iloa le mea Moni, ma o le mea moni- na te faasa’olotoina oe, ma mafai ai ona e taofi mau-le ola e faavavau

28 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>