Ave le fa’amuamua i matua

By Aruna Lolani 28 June 2017, 12:00AM

O le maua ai o le fa’atalatalanoaga le Fofoga o Samoa ma Fa’anati Savai’i o lo’o fa’atau ana i’a i autafa le auala. 

O lenei ali’i e 40 tausaga le matua le soifua ma o lo’o ave lava lana fa’amuamua i le tausiga o si ona tamā. 

“O le lē  faia o se to’alua e le’o se tulaga e ave i se tulafono, ae o e tama Samoa lava ia e ave lava le fa’amuamua i le lon aiga. 

“Ia o le taimi nei, na’o maua lava ma lo’u uso ma si o’u tamā le matou aiga. O le ala foi o le faigofie o mea uma aua na’o le tama lava e ave iai le fa’amuamua ma le tausiga. 

“O  maua uma e leai ni tai to’alua ia o  maua foi ma lo’u uso lena o lo’o nonofo le tautuaina o le aiga. 

 Sa taua foi e Fa’anati, o le tagata fa’amaoni i mea iti e tofia e pule i mea tele. 

“Ia pei o lea lava le upu mai anamua o le tagata lava e fa’amaoni le tausiga o ona matua e avea  ma nisi o taitai e fai ma fa’ataitaiga i tupualaga  ma tagata uma ae le gata foi i lea e ola manuia ma fiafia. 

“O le fa’ataitaiga sili foi lea ia te a’u aua e le sala lava upu anamua o le ala lava i le pule o le tautua. 

“A tautua fa’amaoni, loto onosai ma le alofa, o oe se taitai au lelei ma le manuia le lumana’i, ae a fai  na le fa’alagolago lava i nisi e faia galuega ia o le tali lava o le ola fa’alagolago. 

“O le maumaga lava ma le sami o lo’o ola ai, sei vagana lava ua mana’o le toeaina se meaai mai le faleoloa ona mana’omia foi lea o se tupe ae o le lo’o iai uma mea e mana’omia le tama. 

Sa taua e Fa’anati se tasi o fa’afiatauli. 

“Ia e mo’i lava e leai ni fa’afitauli tetele. O le uiga o lo’o fa’amatalaga o lo’o lelei lava mea uma. 

“Peitai pau lava le fa’afitauli o le ma’i a le tamā. E umi lava se taimi o tau ave le falema’i fai o le mamao ae o matou foi nei e nonofo i uta le mauaga. 

“E talosagaina ai foi le Malo ina ia faia ni falema’i i tuaa nei  e fa’afaigofie ai mo matou i tua nei.

By Aruna Lolani 28 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>