Faasa’o e le Ta’ita’ifono le ‘faauigaina sese’ o le aganuu

Tusia Deidre Fanene ma Faaliliu e Seagaitumua Tupuola ,

180 Hits

CHAIRMAN: Rev. Kasiano Leaupepe

CHAIRMAN: Rev. Kasiano Leaupepe

Atonu ua avea Faafafine ma sui auai o le atunuu o Samoa i aso nei-ae o le faatulagaina o le aganuu a Samoa, e le o i latou o se vaega o le ata.  

O le manatu lena o le Taitaifono o le Ekalesia Soofaatasi (N.C.C.), le Tiakono o Kasiano Leaupepe, e tusa ai ma le tulai mai talosaga mai le Faalapotopotoga a Faafafine o Samoa-ina ia aloa’ia a latou aia tatau. 

I sana saunoaga i le faagasologa o se talanoaga ma le Samoa Observer, fai mai Le’aupepe o Faafafine o tagata ola na fai e le Atua ma e tatau ona aloa’ia i latou. Ae peitai-na ia teena le manatu sese lea ua taatele e faapea o Faafafine o se vaega lea o le aganuu a Samoa.

“I aso lava ia ua te’a-e seāseā lava ona tatou faalogoina lenei upu “faafafine” talu ai e tau leai ni faafafine i o matou aso,” o lana faaaliga lea. “O le upu moni lava ia, e leai se faafafine i totonu o le soifuaga faa-Samoa.

E i ai le Fono a le Nuu mo matai, sa i afi foi taulele’a e le’i matai ma o le mea moni sa i ai foi se ‘saofaiga a Tina ma Tamaitai) ae leai lava se mea o i totonu o le aganuu o faatulaga ai ni faafafine.

 “[Ae peita’i] talu ai ona ua tonu i tagata e fai ia suiga i o latou foliga vaaia, o le pogai lea ua tula’i mai ai nei mea uma.” Fai mai le Tiakono o Leaupepe e leai se mafuaga o ia te ia e tete’e ai i faafafine, ae na ia toe faamanatu mai e faapea o suiga uma ia o loo feagai ma Samoa i aso nei-e mafua mai le masofafosa o mea e faataua e aiga. 

E pei ona ‘ou fai atu muamua, o matua e faatinoina le matafaioi e sili ona taua i le olaga o soo se tamaitiiti-ma o i latou-o faia’oga muamua ia o tamaiti. “O nei mea uma- e amata mai le aiga; o le aiga o le faavae lea o le olaga o soo se tamaitiiti.”

“Afai e vaaia e matua i le tuputupu a’e o se latou tamaitiiti –e amio e pei o se teine, ma e savali e pei o se teine, e tatau loa lava ona latou amata a’oa’o i latou e faapea- e le o se mea lea e tatau ona latou faia ma faamatala ia i latou –e le’i faia i latou e le Atua e avea ma fafine.  “O le faafitauli e faapea o nisi o matua e toē ia latou fanau pe a latou vaaia nei ituaiga o mea.

E manatu i latou o se mea malie-ae latou te le iloa, o lena ‘ata poo le toē-e una’ia ai le tamaitiiti e fai le mea latou te manatu e sa’o. O le pogai lea ua tatou feagai ai ma lenei faafitauli i aso nei.”  Na toe ta’ua e Leaupepe e faapea i totonu o Samoa i aso nei, ua avea faafafine ma vaega o i tatou.

Ua aloa’ia i latou e le malo, faatasi ai ma le avea o le Palemia ma Faa-Tamā o le Asosi a Faafafine. “O le mea lea-i totonu o le ekalesia, matou te talia i latou- talu ai o i latou o tagata ola ma na faia i latou e le Atua,” o lana faaaliga lea. “I totonu la o le ekalesia, o lo matou talitonuga e faapea e tutusa i tatou uma lava- ma na faia i tatou uma e le Atua.

“O le mea lea-o lo’u lava manatu faale-tagata e faapea- ia tatou tuu pea suiga i tagata ta’ito’atasi e fai i ai le latou filifiliga.  “A pa’ia loa faafafine, o le latou aia tatau lea -pe latou te manana’o e sui le mea ua uma ona tuuina atu e le Atua ia i latou- poo le tumau ai pea.

“Mo i tatou o i totonu o le ekalesia, i le avea ma ta’ita’i-e mafai ona tatou tuuina atu le fautuaga, tatalo ma faailoa atu ia i latou le upu a le Atua. 

“Ana faapea o i le ekalesia le paoa e sui ai le tulaga ua leva ona ta’oto ai-semanu ua matou faatagaina i latou –ae talu ai le silafaga a le Atua-e tutusa o  tatou tagata uma lava ma o i tatou uma lava o Lana fanau na fai i Lona lava faatusa.” 

© Samoa Observer 2016

Developed by Samoa Observer in Apia