Samoa ne’i galo lau aganu’u

Tusia Ilia L Likou ,

242 Hits

(Photo: ªª)

 O le ‘autu lea o le aso ananafi lea na fa’ataunu’uina ai le Aso o Aganu’u mo le Kolisi a Sagata Maria i Vaimosio.

E fa ‘au sa vaevaeina ai, lea e aofia ai;– Aquinas (mumu), Depores (meamata), Orleans (moana) ma Avila (samasama).

Each team took turns competing in speeches, dancing and other traditional ceremony wowing the crowd of proud parents and teachers. O lea aso tele na fai fa’atauvaga ai lauga, o nisi o tu ma aganu’u Samoa ua masani ai, siva, mauluulu ma sasa ma le tele o fa’afiafiaga na molimauina i le aso ananafi.

Sa fa’ailoa mai e le Pule Aoga o le Kolisi i a Lorretta Ulugia le agaga fa’afetai ina ua mafai ona maua pea le avanoa o le fanau aoga e fa’atinoina ai le tele o vaega taua nei tau i le aganu’u.

“O lea fa’amoemoe o lo’o taula’i lava mo le fa’aleleia o le tu ma aga i fanua o le atunu’u i fanau nei, ma o le va’ai atu i ai i le taimi lenei o lo’o fa’apea ona fiafia lava i latou e auai,

“O lenei foi Polokalame o lo’o tapena atu ai lava ma le fa’ailogaina o le 60 tausaga o le Aoga a Sagata Maria ma o se tasi lea o fiafiaga tele,

“Ina ia maua pea e le fanau avanoa fa’apenei i tausaga uma e le gata i vaega nei tau fa’afiafiaga ae o mea taumafa foi ma lo latou gaosiaina.

Sa fa’ailoa foi le agaga fa’afetai  o le tele o matua na mafai ona auai ona o le lava tapena ai o alo ma fanau o le Kolisi e ui ina itiiti se taimi na  a’oina ai.

O se tasi o matua na auai i a Taiva Lolagi sa matua fa’afiafiaina lava i le mafai ai lea ona fa’ataunu’uina lenei fa’amoemoe.

“E ese ma le mata’ina o aga a taupou i le taimi o taualuga, o le  vavai o lima ma mea uma ua lelei ma le atoatoa,

“E lagona ai le agaga fa’afetai ona o mea matagofie ma lelei ua tapenaina e le Kolisi nei ma o le manatu maualuga ia aveavea’i ai pea le Aso o Aganu’u o le Kolisi o Sagata Maria.

O nisi nei o ata mai ‘au e fa na fa’afiafia i le aso ananafi.

© Samoa Observer 2016

Developed by Samoa Observer in Apia