Manuia le Malaga, Fepulea’i Sinapi!

Tusia Fa’aliliu e Maiava ,

265 Hits

Saunia e le Pulega mo Fa’ailoga Taualoa a Samoa (SQA) 

O le afiafi o le Aso Sa, na faia ai se Sauniga Fa’apitoa e manatua ai se tasi o ta’ita’i iloga i vaega tau-A’oa’oga i Samoa nei.

O le Sauniga Fa’amanatu lea mo le Ofisa Sili o Pulega o le Vaega mo Fa’ailoga Taualoa i le atunu’u, o Fepulea’i Sinapi Moli lea sa falelauasi i lona aiga i Lower Hutt, i Ueligitone i Niu Sila i le aso ananafi.

O le Afioga a le Ali’i Minisita o A’oga, Ta’aloga ma Aganu’u, o Loau Keneti Sio, o lo’o ta’ita’ia le ‘Au-malaga mai Samoa nei, mo ona toe sauniga i Niu Sila.

O le po o le Aso Sa, sa tu’u-fa’atasia ai e le Pulega, lea sa tele se taimi o le soifua galue o Fepulea’i sa fa’aalu ai mo lona tau-atina’eina,  o latou ia sa tapenaina lea sauniga e manatua ai lana tautua maoa’e mo le atunu’u.  

Sa ‘auai le Ao Mamalu o le Malo, Lana Afioga a Tui Atua Tupua Tamasese ‘Efi ma le Masiofo o Filifilia, fa’atasi ma le to’atele o ta’ita’i o le atunu’u, o ekalesia ma fa’alapotopotoga ‘ese’ese e fa’amanatu nisi o vaega iloga o lana tautua, ae maise nisi o ana ‘ausiga i taimi o a’oga ae maise taimi sa avea ai ma ta’ita’i – e fa’apitoa lava i ona taimi i le matagaluega o a’oga. 

Tala’aga Pu’upu’u o  le soifua o Fepulea’i

 Tulaga TauA’oa’oga ma Fa’ailoga na              ‘Ausia:

1.  Tikeri Maualuga (Tulaga Muamua) - (Iunivesete o Waikato, Niu Sila),1993.

 

2.  Tikeri Muamua i Mata’upu Fa’aSaienisi -(Iunivesete o Vitoria, Ueligitone, Ni Sila),1978.

 

3.  Tipiloma Tau-Faia’oga -(A’oga Fa’aFaia’oga i A’oga Maualuluga i Aukilani, Niu Sila), 1979.

 ‘Au’aunaga: 

Tausaga Tulaga

2005 – e o’o mai i le aso na maliu ai 

(11 tausaga) Ulua’i Ofisa Sili o Pulega, Pulega mo Fa’ailoga Taualoa a Samoa

Fa’afa (4) ona tofia i le Tofiga o le Ofisa Sili o Pulega

 

1999-2004

(5 tausaga) Ta’ita’i o le Vaega Galulue a le Matagaluega o A’oga, Ta’aloga ma Aganu’u mo le Poloketi o le Toe Fa’amalosia o le Matagaluega Head 

 

1997-1999

(2 tausagta) Sui-Fa’atonu (ta’ua nei o le Ofisa Lagolago i le Ofisa Sili) o le Vaega mo Fuafuaga ma Su’esu’ega a le Mataluega o A’oga.

 

1993-1997

(5 tausaga) Ofisa Pule o A’oa’oga mo le Vaega o Su’esu’ega i  le Ofisa Tutotonu , Matagaluega o A’oga, Malifa

 

1990-1992

(2 tausaga) A’oa’oa Fa’apitoa mo le Fa’ailoga o le Master i le Iunivesete o Waikato i Niu Sila 

 

1987-1990

(3 tausaga) Sui-Pule o le Kolisi o Samoa i Vaivase.

 

1980-1987

(8 tausaga) Faia’oga i le Kolisi o Samoa – Biology / Science

© Samoa Observer 2016

Developed by Samoa Observer in Apia