Mana’omia se fesoasoani tau seleni

By Fetalai Tuilulu’u 28 March 2017, 12:00AM

Ole tausi aiga e le’o se galuega faigofie, o lea foi le manatu fa’alia le tinā ia Leiua Tauea ina ua maua le fa’atalatalanoaga ma le Fofoga o Samoa le aso ananafi. 

O le tinā e 55 tausaga le matua le soifua ma o lo’o nonofo nei ma si ona aiga i Fusi Saluafata. 

“O si o matou aiga nei e to’a lima tagata ma e leai se tasi o matou e faigaluega ma e mana’omia lava se fesoasoani tau seleni. 

“O le tulaga o lo’o iai nei o lo’o fa’amoemoe lava i luau fa’atau, o le taro ma nisi o fuala’auaina I le maketi aua se tupe maua mo le vaiaso. 

“Mo le silafia foi o i matou nei foi e leai se vai sei vagana ai le vai eli o le matou nu’u o  lo’o fa’amoemoe iai. 

“Sevaganā foi ua timu ona maua foi lea se vai pei na tou taga’i atu ai i talone o lo’o tu’u mai luma o lenā e sefe ai vai timu e fesoasoani foi le galuega tele o le la’u vai.

“E lima vaivai lava si o matou aiga, o le fa’afitauli lava o le leai se tupe maua ma se alagatupe matū e fa’amoemoe iai.  O lana lea tala i le Fofoga o Samoa.

“E mo’i lava e maua le fesoasoani mai aiga I fafo ae le’o taimi uma, e maua lava se fesoasoani pe a o’o ina ia iai ni fa’alavelave ma mea tetele fa’apena.

“Mo le silafia foi si o matou fale nei, e le sefe e pau lava o me aua mafaia e a’u nei le tinā ma o le ala foi lea e talosagaina ai sina fesoasoani ona o le mativa lava ma le lē tagolima. 

“E le gata se tane vai e sefe ai le avi ao se fesoasoani foi i lota fale nei. 

“Ua lē mā lava le mativa ona o le ausage lava o le aiga nei .

Sa taua e le tinā le mana’omia tele o le tulaga tau le suavai ona o si ana tama  ma’itaga I tukaga fa’apenā

“E mana’omia lava le suavai ma le seleni ona o le ma’i si o’u afafaine nei. 

O le isi foi itū o lo’o mafatia ai o auala e aumai ai fua o lana fa’atoaga e fa’atau.

“Mo le silafia lelei a, ua taugata le soifuaga ia e la’u atu lava meamata i nei tai Apia le makeki ia o tupe foi e mana’omia ona o le taugata le soifuaga ua iai nei. 

“Ou te talitonu foi o le to’atele lava o tagata Samoa ua malamalama lelei lava lea itu ma o se tasi o itu o lo’o pitosili na o’otia ai a’u le tinā nei o lo’o tausia le aiga. 

“O le soifuaga lenei ua tatou iai, ua faigata me auma ua tauau ai ina leiloa manava. 

Mo sae tasi fia fesoasoani le tinā ia Leiua ma lona aiga e maua le feso’otaiga le 7731099

By Fetalai Tuilulu’u 28 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>