Manatu o le Fa’atonu - Tusitusiga i le Puipui

131 Hits

Tusia - Mata'afa Keni Lesa

Fa'aliliu - Maiava

 

Malo lava le galue i lenei vaiaso a’o fa’apea ona alo atu ai si o tatou atunu’u ini nai aso ona fa’ataunu’uina loa lea o le faigapalota i le Aso Faraile o lo’o ua lumana’i nei, a’o tatou molimauina ai le tele o le mau atina’e o lo’o ua fa’ailoa mai nei.

E fa’apea mai o le fa’apolokiki o ni faiga eleelea o se tulaga fa’aletumau lea. O se taua tele lea mo e o lo’o ua taumafai atu ne i ai.

Aua le avea le tele o le mau tautinoga ma mau lauga  e fa’avalea ai la tatou filifiliga. E le’o mea feilafi uma o ni auro, ma o le mea lea e ao ona o tatou manatua i le taimi lenei.

Afai ua avea ma mea mamafa, taumafai e tu ma manava i totonu ma silasila ane i fafo i se ata o lo’o tula’i ma i totonu o Samoa.

O le mea moni a o tatou va’ava’ai atu i atunu’u lata mai ma mamao atu ua leai lava se ese’esega ma le mea o lo’o tatou i ai ma ua avea ma se tulaga e fa’afefefe i le mafaufau.

O le tele ai o le mau atina’e i vaiaso ua alu, o le pa’u’u ai o sui o le Tautua mai le tele o lu’itau na feagai ai ae pito sili ai le fa’aleaogaina ai lea o le su aga’i i le malo fa’amalumalu o lo’o i ai nei.

E leai ma se fa’ailoga fesili o le tele o le mau atina’e mo tagata o le atunu’u o lo’o ta’ua mai i le taimi lenei ma o le a fa’amoe lelei lava pe a ma’ea le faigapalota.

O se itu malamalama lelei lava lea tulaga. Tele nisi o vaega aemaise o suiga o lo’o ua tatou i ai lenei vaitau e fa’atatau i le tulafono o lo’o fa’apea ona lima ta’ita’ia ai faigapalota.

O le mea muamua lava, o nisi o lu’itau ae le’i faia le palota, ma o lea tulaga e tele ni fesili e ono tula’i mai ai. O se tasi o ia fesili, o le taimi o luitau nei. Fa’ataunu’uina i le vaiaso a’o lumana’i le faigapalota, o lo’o tau manatu pe i ai se metotia mo lea taimi taua.

O le tele ai la o nisi o sui ua le maua-ua leai lava se taimi a’o o latou talia ai le Faigapalota Tele. O se itu fa’anoanoa tele lea, aemaise lava le leva ai lea ona o latou tapena mai ai mo lea fa’amoemoe.

Ona i ai lea o se manatu i nisi o Tulafono o lo’o avea ma luitau tele. E pei la ona i ai monotaga lea ua avea ma nisi o mataupu o lo’o ua matua talanoaina i le taimi lenei.

E ui la ua pasia nei tulafono, o lo’o e tau fa’alogoina lava o lo’o i ai se tau fa’aletonu mai ai o nei tulaga.

Fa’amata o lo’o taumafai e fa’avaivai se isi?Pe o tau va’ava’aia lelei le tulafono mo se lelei o se tasi?Pe e pau lava o faiga poto o palota ua leva ona tatou sau ai mai tausaga ua alu? Ia iloa lelei, e le fa’apea ua fa’atulafonoina ona fa’apea ai lea ua sa’o. O lo’o ua tatou molimauina lea tulaga i nai vaiaso ua alu.

E tele se galuega e ao ona fa’atinoina mo le tele o mataupu e pei ona fa’ailoa atu.

O lea le monotaga? E tutusa ma le ‘au’aunaga?

Fa’amata o i ai se ‘au’aunaga e tutusa ma le monotaga? Lea la ua aofia ai le tulafono vaega pe a o’o i papa ma sa’o o aiga, o lona uiga la o e o lo’o se’ei mai Tama Aiga e tatau fo’i ona fai monotaga?

A fa’apea la e leai, e mafai lava ona o latou tula’i ma i tulaga tofi fa’alemalo o lo’o o latou umia?

O nisi nei o fesili e ao ona manatunatu i ai.

 Ese mai luitau nei, o le fa’aleaogaina ai o le su a le Tautua aga’i i le malo o se tasi nei o mataupu taua tau atina’e, e ui ua matua ofo tele i le tulaga e pei ona fa’aleaogaina ai.

E ui la ina fa’aleaogaina, o le su lenei o le a mafai ai pea e auga tupulaga o lo’o lumana’i aemaise o le faigamalo e le fefefe le itu agai e fa’ataunu’u nei tulaga.

Talofa e, i le Tautua o le a le finau o lo’o o latou  i ai , e pei e fetoa’i ma masini tetele a’o o latou taumafai ai.

E le tatau ona o latou fa’atafa. O le fa’amoemoe ia fa’auau ai pea lo latou finau mo mea lelei.

O le mea pito sili ona leaga o le malama ane o le Aso Faraile ua leai se vaega e agaia le Palemene. E ono tula’i mai lea tulaga, ma o le fa’amoemoe lava ina ia aua nei tula’i mai lea tulaga.

E matua’i mana’omia e Samoa lea vaega ma o se fa’anoanoaga pe afai ae leai se vaega e agaia le malo.

O e ua mautinoa o latou nofoa o le afioga Tuilaepa Sa’ilele Malielegaoi, Fiame Naomi Mata’afa, Fagaivalu Kenrick Samu ma Lautafi Fio Purcell.

A’o alo atu ai la le Palemia mo le toe amatalia o ona tiute, o le fesili tele , o ai o le a avea ma Sui Palemia.

Fa’amata o le a o tatou va’ai i se tama’ita’i e avea ma Sui Palemia? Ae a Lautafi?

O le a leai se fesili e tula’i ma i le toe fo’i mai ai o le H.R.P.P. i le numera sa i ai muamua – ma o se matua’i le mafai lava ona toe fa’afetauia e se malosi le tulaga e pei ona i ai le H.R.P.P.

O tatou iloa atu se tusitusiga i se puipui?

Manuia le Aso ma ia fa’amanuia le Atua!

© Samoa Observer 2016

Developed by Samoa Observer in Apia