Saunoa Leausa fa’atatau i le Zika

196 Hits

Leausa Dr. Take Naseri.

Leausa Dr. Take Naseri.

Fa’aliliuina: Iliā L Likou

 

Ua tali mai le Fa’atonu Sili o le Matagaluega a le Falema’i, Leausa Dr. Take Naseri e fa’atatau i popolega e pei ona i ai le siama o le Zika i Samoa nei.

“E leai se mea e ono fa’apopoleina ai le atunu’u,” o lana saunoaga mai lea.

O lea le tulaga na fa’ailoa mai ma le manino ananafi e Leausa ma ia ta’ua ai o e ua ‘a’afia i siama e mai i le tausaga ua mavae.

O lenei siama e feavea’ia e le namu.

O le ‘a’afiaga ta’atele o lenei fa’ama’i o le fiva, pata o le tino, tiga so’ona o ponaivi ma le mumu o mata.

E ui ina ua fa’amaonia nisi ua ‘a’afia ai i totonu o le atunu’u e le’o mafai ona fa’ailoa mai po o ai ae o fea e aga’i mai ai.

Na fa’ailoa e Leausa i le aso ananafi e ao lava ona nofouta le atunu’u i vaega uma aemaise o tagata ta’ito’atasi mo le saogalemu lautele.

 “E fautuaina pea le mamalu o le atunu’u ina ia fa’aitiitia vaega e ono tele ai le namu.” Leausa.

 “O le to’atolu e pei ona ripotia i le tausaga ua mavae e mai i a Setema ma Oketopa, o le isi o Setema ae o le isi to’alua o Oketopa.

Sa ia ma fa’amanino e tele lava se ese’esega o lo’o i ai gasegase ua ripotia atu mai le Zika ma le Chikungunya e pei ona ‘a’afia ai le atunu’u ma ua fo’i ona tu’uina atu nisi o ripoti i Niu Sila ma Ausetalia e fa’atatau lava i ripoti uma e o’o mai i le taimi lenei.

Nisi o fa’amatalaga e fesoasoani ai mo le mamalu o le atunu’u e fa’atatau i lenei fa’ama’i.

 

Foliga va’aia

• fiva 

• tiga so’ona ponaivi 

• mumu mata 

• tiga tua-mata 

 

O lo’o ua ripotia le sosolo ai lea o le fa’ama’i i Amerika ma Brazil

Nisi o vaega e ao ona tausisia mo le fo’ia ai o lenei fa’ama’i

 

• E leai se vaila’au tonu mo le togafitiga ai o le Zika 

• Vaega e ao ona fa’atinoina  

• Tele se taimi e malolo ai 

• Taumafai ia tele se vai e taumafaina 

Inu fuala’au (panadol/paracetamol)

Mo Puipuiga Lautele

• Ia puipuia mai o tatou tino mai namu, fa’aaoaga vaega uma e pei o tulinamu, ta’inamu, ia fa’aaoga ofu limu uumi ma ofuvae limauumi ma isi ina ia puipuia mai ai i fa’ama’i.

• Taumafai e fa’aitiitia nofoaga e tau-tu’ufua ai namu mai tafatafa fale ma ia fa’amama alavai i taimi uma.

© Samoa Observer 2016

Developed by Samoa Observer in Apia