Fa’ae’e Suafa Matai fou i Nu’usuatia

By Ilia L Likou 26 December 2017, 12:00AM

O se taeao mata’ina i totonu o le afio’aga o Nu’usuatia le fa’ataunu’uina ai lea ma le manuia o le fa’ae’eina o suafa matai fou e 32 i le aso ananafi.

O suafa e aofia ai Taualeo’o, Alo, Amuia, Lesā ma Malaefilifili.

Na fa’ailoa e se tasi o matai fou i a Alo Taulagi Matafeo le agaga fa’afetai ona o le mafai ai lea ona fa’ataunu’uina o vaega uma sa alo atu ai le aiga.

“Ia e le fa’aitiitia le fa’afetai ma le viiga i le Atua, o a tofi ma vala’auina ua tu’uina o le a taumafai le gata e tautua ai aiga aemaise o le lelei alu i luma,” Alo Taulagi.

“E leai se mea e faigata pe a a’u fa’atasi i tatou ma le Atua ma o lea fo’i sauni e tautua aiga ma le loto atoa uma lava.

O lea lava le agaga e tasi na fa’aleoina e Taualeo’o Fetu Sasalu i le aso ananafi.

“Ia e pau lava le agaga maualuga o le tau fa’afetai lava lea i Le ona e Mana ma le Malosi uma lava,” Taualeo’o Fetu Sasalu.

“E faigofie pea a galulue fa’atasi, oa  fo’i tofi ma tiute ia o lea a  taumafai lava e fa’atino aua le lelei alu i luma o vaega uma lava.

“O lo’u ia lagona vaivai, ia o le fa’amoemoe lava i le Atua.

Na fa’ai’u lea aso taua i fa’aaloaloga masani.

By Ilia L Likou 26 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>