Ta’utinoga a Sagato Aokusitino - Ola faata’ita’i ia Keriso -
Confessions of St. Augustine-Immitation of Christ.
Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer
E UIGA I LE TAGATA LELEI MA LE TO’AFILEMU-Of the good-peaceful man
Ia muamua lava ona e tausi oe i totonu o le filemu, ona faatoa mafai ai lea ona avea oe ma tagata e faatupuina le filemu i isi tagata. O le tagata e to’afilemu- na te faia mea lelei e sili atu i lo le tagata ua a’oa’oina lelei.
O le tagata alofa na te mafai foi ona liua le mea lelei e avea ma mea leaga ma faigofie ona talitonu i le mea leaga; ae o le tagata lelei ma le to’afilemu -na te liua mea uma e avea ma mea lelei.
O lē nofo i totonu o le filemu-e leai se mea e masalosalo ai-ae o le tagata e lē faamalieina ma lē maua sona mapu-e fetosoa’ina e le tele o masalosaloga, ma e le maua e ia se to’afilemu ma faapologaina isi ina ia fīfīlemu.
E tautala i le upu e le tatau ona tautala ai-ma na aveese le mea e sili ona aoga mo ia.
O le mea lea-ia muamua lava ona e faamaoni ia te oe lava-ona faatoa mafai ai lea ona e faia le mea sa’o ma le lelei mo lou tuaoi.
Ua e iloa lelei ona e faato’ese atu ma toe faalelei lau amio. Afai e te loto ia outou amo faatasi le avega-ia faapena lava ona e faia.
O ai lava na te iloa pe faapefea ona pologa ina ia ona maua ai le filemu-o ia lea ua na faato’ilalo o ia lava- ma ua avea ma alii o le lalolagi, o le uo lea a Keriso, ma o lona tofi -o le malo I le Lagi! (Ia manuia tele le Tausaga Fou Samoa)