“Ia o le olaga lava lenei o lo’o i ai matou i le tele o tupulaga talavou i tua nei , o se fiafiaga lea i a’i matou le usu mai i le ma’umaga aua lava tausiga o aiga,” Falefa Tupa’i i le fa’atalatalanoaga ma le Fofoga o Samia i le aso ananafi.

Na maua le avanoa ma le ali’i i a Falefa o lo’o ua amata tiute o le taeao.

“I a te a’u lava ia o lea le olaga o lo’o i ai le tele o tupulaga talavou i tua nei, ma o se agaga fiafia tele lea o lo’o i ai i a te a’u nei aua o lea lava e afua mai ai fa’amanuiaga.

“E pei ona outou tau mai ai, ia o lea ua saunai ou te alu atu e va’ai la’u ‘ava o lo’o i le isi pito o le mauga ia ma aumai se aufa’i aua se mea’ai o le aiga nanei.

“O le tautua lava o aiga aemaise o lea lava le fa’asinomaga lea ua i ai le taimi lenei o le tausi o matua.

“Ia e usua’i lava i taeao uma ia toe vave mai le fale  pe a vevela le la, ma o la’u ia galue ou te le alu i aso uma e fua lava le malosi.

“O le uiga o la’u tala, a naunau tele, ia o le ma’i e maua ai ae lelei lava le fai ma koma ia e maua ai le isi malosi fou.

Na ia fa’ailoa o le tele o vaega o lo’o ia silasila i ai o le lumana’i manuia lava o lona aiga.

“E pei o lea lava le fa’amalosi ai o lo’u ia talavou e fa’atino galuega nei aua le manuia alu i luma o aiga.

“O le fa’amoemoega ia feola ane fo’i ni fanau pe a alofagia e le Atua ae o lo’o i ai se alafua ua ou fa’ata’atia e a’u ia ia ola ai.

“E le fa’apea la o le omai e o le fa’ato’aga ae o le ola e filiga ma filifili ina i itu lelei mo lo latou lelei pe a matutua fo’i.

O a ni fa’afitauli o lou tupualaga talavou?

“Ia o le fa’afitauli masani lava o le le galulue fa’atasi o tagata mo le lelei o isi tagata.

“A isi lava e taumafai ae o nisi latou te tosoina i lalo taumafaiga a isi.

“Ae malosi lava lo’u loto ia e alualu iloa e le tagata lona sese ia ma galulue fa’atasi ai lava aua o lea le ki i le manuia o aiga ma ekalesia.