Fia fa’aleleia auala

By Ilia L Likou 27 October 2017, 12:00AM

O le maua ai o le fa’atalatalanoaga ma le Fofoga o Samoa ananafi na fa’ailoa ai e Lolesio Siliato le tulaga fa’aletonu ua i ai nei a latou auala.

“E pei o lea lava le tulaga ua i ai le  taimi lenei, ua matua’i faigata lava ma ua  o’o atu lava i le tulaga e le toe saogalemu ai mo ni feoaiga.

Na ia fa’ailoa ua loa tausaga o feagai ma fa’afitauli tau i le auala.

“E pei o lea lava le tulaga ua i ai le taimi lenei, ma o se itu e ao lava ona silasila toto’a i ai lo tatou malo.

“Ia e tau mai nei, ia o le tele o vaega e fa’aleagaina lea i taimi i timuga, ia o le tele lava o le vai tafe mai luga o mauga e alu uma i fale o aiga.

“O se itu e le taitai ona saogalemu i lo’u ia iloa i ai le taimi lenei, e ao lava ona o tatou fa’atinoina vaega uma aua lava le lelei alu i luma o le atunu’u.

“Aemaise o le taumafai ai ina ia aua nei tele se ‘a’afiaga i le tele o nai aiga i lenei vaega o le atunu’u.

‘Ia o le itu mautinoa lava ua fa’atupula’ia le tele o nai aiga ua omai i uta nei ma alala ai, ae e pei o lea lava le fa’afitauli o lo’o feagai ai nei.

“O se itu e ao lava ona silasila toto’a i ai le malo ina foia se taimi vave.

O le isi tulaga na ia fa’ailoa o le le mafai ona afea ai lea o se pasi o lea vaega o le atunu’u.

“E pei o lea isi tulaga faigata lena i le taimi lenei ma o lo’u iloa i ai, ua tele lava ina alofia ona o le leaga o auala.

“O le uiga o la’u tala ia ua o’o lava i ta’avale a nai aiga, ua matua’i leaga lava, ma e leai se uiga e mafaufau ai se ta’avale fou.

“Ae uma ane e leai ma se aoga, i le tele o nai aiga aua e leaga uma i le auala ia ma tele ai ma tupe alu.

“Ae o lo’o sologa lelei mea uma i totonu o si o matou nei pitonu’u.

By Ilia L Likou 27 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>