O a ni suiga i a’oa’oga i la aso ma le taimi lenei?

“Ia o lea ua va’ava’ai atu i lenei taimi i le tele o le suiga.” O lea le finagalo o le tamā i a Ti’otala Setu,80 le matua o le soifua o Salelologa i le Fofoga o Samoa i le aso ananafi.

“Ua tele le suiga, aua e leai ni atina’e tetele fa’apenei e pei o la aso, aua o la taimi fo’i sa tusi i peni ma’a aoga.

“Ae nonofo i lalo i fale fo’i e fola i le pola ma le ma’ama’a vaitafe.

 “Ia sa fai auga fafaga e fafaga ai faiaoga, aua e fai fiafia uma mea, aua o lo’o mafaufau fo’i matua ia lelei le ola a’oa’oina o fanau. 

“O nei aso ua leai se na faiga o toe i ai, afai atu fafaga mo faiaoga, ia e tomumu mai tomumu mai se lo’omatua e fa’ai’u lava i le le faia o se mea.

“Ae o le manaia la o na aso ua mavae, aua e maopopo mea uma ona o le malosi o pulega a matai.

“ Ia ae o lenei taimi ia o lena ua tatou molimauina le alualu i luma o le tele o vaega ua i ai  e le gata la i Savai’i nei aemaise ai lava i Upolu. 

“Ae soia ia ua pau lava.

O le isi tulaga na ia fa’ailoa“E mana’omia nisi atina’e tau i a’oa’oga i Savai’i nei.” 

O lona lea talitonuga ma le agaga maualuga, afai ae fa’ateleina kolisi maualuluga  i Savai’i, o le a le taumate o le a tele se sao ma le lumana’i lelei o le fanau , ma le fa’asaoina o le tele o tupe mai le feoaiga o le fanau aoga e pei ona i ai nei aso.

“Ia e pei o lea le manatu maualuga o lo’o i ai le tele o matua i Salafai nei, ina ia lava le taimi e mafuta ai ma nai fanau.

“E le tau fesiligia le tele o fa’afitauli ua  alia’e mai ai ona  o le tele o vaega o lo’o ua i ai nei suiga o le tele o le olaga o le fanau ona o le feoa’i atu i Upolu ma toe fo’i mai. 

“O le taimi lenei o le si’itia lava o  tulaga tau a’oa’oga i totonu o Savai’i o lo’o va’ava’ai atu ai, ma o  so’o se ituaiga aoga lava ae o le mea sili ua i Savai’i.

“Ia o le isi vaega o le va’ava’ai atu lava o a aoga a le malo, o ekalesia e aumai i Savai’i o le itu fa’afetai tele lea i lo matou nei motu.

“E  lelei fo’i e le toe tau o ai fanau i Upolu, aua e telē lava le fa’aletonu sa i ai i lena mea.

“Ia aua e o matua taumafai fo’i lele ia lelei le fale e nofo ai le tamaititi i aiga o le a nonofo ai, ia ae le gata la i lenei, ae o le leiloa atu e le tele o matua amioga a le fanau o lo’o fai i aiga lea o lo’o tu’u atu e nonofo ai.

“Ia ma fa’alogo atu ai lava ua o’o i se isi tulaga, aepeita’i o le una’i mai o aoga i Salafai o lea le fesoasoani i le tele o itu o lo’o feagai ma i matou nei.