O le olaga e le faigofie
O lenei olaga, o le tele o taimi e te feagai ai ma faigata ae o le filifiliga lava a oe, pe e te taumafai pe e te savali ese mai ai.
O le manatu fa’aalia lea a Johnny Tumanu mai Tuanai i lana fa’atalatalanoaga ma le Fofoga o Samoa.
Sa ia ta’ua le tele o suiga ua iai nei i le tatou atunu’u ma o le a foi se a’afiaga o na suiga ua iai.
Ua fa’amalieina o ia, i mea ua fa’aleleia i totonu o le latou nu’u.
“Ua iai nei a matou auala lelei, ua tofu foi le tagata ma le vai faapea foi le eletise ma ua oo foi se tulaga foi lea ua faafaigofieina ai le faiga o le galuega a so’o se tagata lava ia,” o lana tala mai lea.
E iai foi suiga e le fa’alelei mo tagata o le atunuu.
“O le tau o le soifuaga, ua taugata laitiiti a ma o lou a ia talitonuga, e iai lava taimi e le gafatia ai ona faatau isi oloa, e tusa lava po’o le apa elegi lae faatau.
“O mea uma i le olaga nei ua totogi; pili o le vai ma le eletise aemaise foi le aoga a le fanau.”
E toalua le fanau a Johnny o lo’o fa’aa’ooga i le taimi nei.
Sa taua foi e Johnny o ia o se tasi e lagolagoina le faia o pisinisi a le au Saini iinei Samoa.
“O le au Saina a ia lea e tele na feola ai le au Samoa aua a latou oloa. E mo’i a e vave leaga isi latou oloa ae o la e mafai ona o ta alu atu faatau mai le vaemoa taugofie.
“Ia pe taugata i fea le tatou soifuaga, o le tagata lava ia ma lana ia galue e faigofie ma taugofie ai foi lenei soifuaga.
“Ae fia maua la mea lelei, e taua lava lou galue malosi ma le faamaoni.”