Talanoaga i le ala - Fesiligia pea le saogalemu o pasi la’u-pasese

213 Hits

Aso Matemate, 45

Aso Matemate, 45

O le fa’alavelave lea na malepe ai se pasi-la’u-pasese i Tiavi i le vaiaso talu ai ma ma’umau ai le soifua o se ali’i-talavou, ua lagalagā ai le mau fa’amatalaga ma tu’u-fesili ai le atunu’u, i le saogalemu o femalagaa’iga i luga o ‘auala i Samoa. Ua toe fa’atūtū ai nei fo’i finagalo o le atunu’u, po’o fea tonu ituaiga-pasi e saogalemu, o pasi-laupapa o lo’o fausia lava i Samoa nei, po’o pasi e fausia mai fafo. Na fesiligia e Ilia L.Likou i le Polokalame o Talanoaga i le Ala i lenei aso, le mamalu feafioa’i o le atunu’u, i so latou finagalo, ae pe fa’avae i se a lo latou talitonuga. O nisi nei o finagalo sa fa’aalia: 

Peneueta, 50

Peneueta, 50, Siumu

E sili ia a’u pasi-laupapa. E sili atu le iai o pasi-laupapa nei aua a o’o i taimi e tupu fa’afuase’i ai se fa’alavelave pei o lea na tupu i le Aso Faraile, ona tou silafia lava lea o le uiga o lo’u manatu. E faigofie i le pasese ona sosola ‘ese i so’o se taimi. ‘Ou te iloa, o le mafuaga lena na to’atele ai tagata na fa’asaoina i le fa’alavelave i Tiavi.

Pofito Semasi, 35

Toni Penisula, 37, Nu’usuatia

Pe pasi-laupapa pe pasi mai fafo, e taufai lelei uma. O le fa’afitauli i le vala lea, o le ‘ave-ta’avale. E tatau lava ona matua malamalama lelei, o lo’o i o latou a’ao le tele o soifua i aso ta’itasi. O se fa’amanatu lelei lea mo latou na, o le ola e manumanu iai ma e leai se tagata-soifua e le fa’atauaina le ola, e le uma nei ae toe maua taeao. E le mafai ona fa’atau se ola.

Eli Taualai, 36

Eli Taualai, 36, Siumu

E tutusa lava le lua lea. ‘Ae ana o se pasi mai fafo lea na lavea, o se matua otigā-tagatā le mea e o’o iai le fa’alavelave i le vaiaso talu ai. O le isi lava mea taua, ua tatau ona tilotilo iai, o le fai lelei lea o ni a’oga a tagata nei – ‘avepasi, i le va’aia lelei o pasese ma ia fa’autauta lelei i le fe’avea’ina o le mamalu o le atunu’u. ‘Ou te manatu, e matua le-ano lava ‘avepasi nei i soifua o le atunu’u ma o le fa’afitauli tonu lava lena. 

Eli Taualai, 36
Eli Taualai, 36
Fereti Tupuola, 46
Fereti Tupuola, 46
Peneueta, 50
Peneueta, 50
Pofito Semasi, 35
Pofito Semasi, 35
Toni Penisula, 37
Toni Penisula, 37

Fereti Tupuola, 46

Fereti Tupuola, 46, Siumu

O lo’u lava malamalama, e le taitai ona toe saogalemu pasi-laupapa nei mo le ‘auala lea i Tiavi. A va’ava’ai lelei i le fa’alavelave lea, na matua malepe leaga ma salalau le pasi. Tatou te mo’omia pasi mai fafo ae maise fo’i, ua tatau fo’i ona suia se ‘auala e ui ai mo le saogalemu, ae le o le ‘auala lea e oso i Tiavi.

Aso Matemate, 45

Aso Matemate, 45, Siumu

 ‘Ou te talitonu o lo’o saogalemu pea pasi nei. E fa’atamala ‘ave-pasi ma ua tatau ona a’oa’oina lelei ina ia va’aia lelei le soifua o tagata o le pasese. ‘Ou te manatu ua tatau ona iai ni pasi mai fafo ma ua tatau fo’i i le ‘au-fai-pasi o le fa’aitu lea ona tilotilo iai, ia fa’atele ni pasi mai fafo mo le ‘auala lava lea i Tiavi. 

Pofito Semasi, 35

Pofito Semasi, 35, Vaie’e, 

E sili lava ia te a’u pasi-laupapa. ‘Ou te iloa o le mafuaga lena o le tele o soifua na fa’asaoina mai le fa’alavelave i Tiavi. Fa’afetai ua fe-ola le to’atele. O le tele o suiga e tele ai mea e tutupu ma a tilotilo toto’a lava iai, e tatau lava ona fa’aauau pea ona fa’aaoga pasi-laupapa.

© Samoa Observer 2016

Developed by Samoa Observer in Apia