E fa’amuamua lava aiga

By Aruna Lolani 27 June 2017, 12:00AM

O Farani Vitale e 32 tausaga mai le afioaga o Falefa. Na maua le fa’atalatalanoaga ma le Fofoga o Samoa a’o aga’i mai lona maumaga. 

“O a’u nei e leai se to’alua ae o lo’o taumafai lava e tapenapena atu le ola fai aiga. 

“E fa’apea lava le to’atele o isi tagata o le fai aiga o se mea faigofie, ia tailo iai!

“Ae o a’u lava ia, e o le faiaiga o se tulaga faigata tele. 

O le meaai i taimi uma o a feau o a’u lava e faia e moni lava o lo’o iai nisi o o’u tei laiti ae latou te le gafatia le tele o isi feau aua lo’u tina

“Ou te agavaa lava i so’o se galuega e fai i le fale  aua le tausiga o lo’u tina

“E moni lava ua taugata le tau o le soifuaga i lenei vaitaimi ae o lo’o taumafai pe a e galueaina le faatoaga i mea e maua lava i lima, aua fo’i se mea’ai manogi mo le tina i aso uma.

 “Masalo sau aso ua ou sauna ou te faigaluega ae o le taimi nei o lo’o ave la’u faamamafa i  lo’u tina aua po o le a le finagalo o le Atua ia te ia ae ua uma ona fai ai sa’u tautua mo ia

“O le mea ia lena e talanoa ai mo le lumanai aua le atia’eina o a’u ia ma lo’u ia olaga mo le lumanai.

“O a’u lea o lo’o mafuta ma tausi lo’u tina matua ao nisi o o’u uso ma tuafafine o lo’o tau fai faigaluega faatasi aua seleni mo lo matou tina

“O aso nei ua le toe faigofie le sailiga o galuega ae ua saili lava ona o mafuaaga tatau aua le tausiaina o lo’u tina e fesoasoani ai i nisi o uso ma tuafafine i le tausiga o le aiga. 

“O le fa’amuamua lava e ave le aiga, a le lelei le maumaga ia galue le sami aua nisi meaai aua foi o nei lava vaega e fa’amoemoe ai o le sami ma le eleele. 

“E tau su’e lava galuega ae le fa’amoemoe le sami ma le eleele o auala sili lenei ma taua. 

By Aruna Lolani 27 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>