Manatu O Le Fa’atonu - E ao ona talanoaina pea le taua o fanau

Tusia Mata'afa Keni Lesa ,

129 Hits

Ua uma atu le isi vaiaso o lenei fo’i ua tatou alo atu i lenei  vaiaso.

I le toe fa’agasolo ai fo’i la o feau tiute ma galuega i lenei vaiaso e le taumateina le tele o  nisi o mataupu e ao ona o tatou va’ai toto’a i ai.

O le tele o taimi tatou te talanoaina le tele o vaega tau i ‘aia tatau o tagata e ao ona toe fa’amanatu atu o tatou fanau o lo’o pagatia mai tulaga nei.

O lo’o o tatou talanoa i fanau o o’o maitauina pea i le tele o itula o le aso ma le po o lo’o va’aia pea i luga o magaala.

 O fanau nei e ao ona va’aia lelei, ia maua se avanoa e mafai ai ona ola a’oa’oina lelei ma ia fiafia, aepeita’i e le’o lea le ata o lo’o o tatou va’ai atu ai i le taimi lenei.

Pe tatou te malie i ai pe leai ai fo’i i le tulaga pagatia ma le mativa o lo’o i ai nei Samoa o le mea moni ma le fa’amaoni , e le natia lea tulaga.

Afai o le to’atele o tamaiti nei o lo’o va’aia pea i luga o le mau fetaulaiga ala o Apia o lo’o o latou fa’atauina le tele o oloa i le po ma le ai e le ‘o se fa’ailoa ea o le mativa, ia ou te leiloa la i a te oe i sou taofi ma lou manatu po o le a le tauga e ta’u ai.

O lo tatou nonofo ai e le mafai ona o tatou manana’o e fa’aauauina pea lea tulaga i totonu o Samoa.

O le fa’aaogaina o fanau nei lea e tatau ona i totonu o aoga e fa’atosina mai ai tagata e fa’atau oloa o lo’o i a te’i latou, e tatau lava ona te’ena e tagata uma lea faiga ma ia fai se suiga.

Tatou te talanoa i mea nei aua o lo’o tutupu pea le to’atele o tamaiti o lo’o latou fa’atinoina ina ia maua mai ai tupe e fesoasoani ai i o latou aiga ina ia ola lelei.

Mai i lenei nusipepa e le mafai ona fa’aauauina ai pea lea tulaga ma o le tele o mea o lo’o matou tu’uina atu ai le tele o tala o le fanau nei o lo’o va’aia pea le faia ai o lenei galuega i aso uma.

E pei ona matou tu’uina atu Suliveta Suliveta lea e fa’apea e 10 tausaga e le’i mamao atu.

“O lo’u tinā na fai mai i a te a’u ou te sau e fa’atau mea nei ina ia maua mai ai se tupe, e to’atele tagata o lo’o matou nonofo i le taimi lenei i lo matou fale ma e le tele ni a matou tupe ma mea’ai mo aso uma,

 “O le tele o tupe o lo’o mafai ona mauaina mai i e po ma le ao ou te tu’uina atu i lo’u tinā, ma o lau lea masani lea ma ua ou masani fo’i i ai.

O le tausaga ua mavae atu nei na o matou tu’uina atu ma fa’ailoa atu ai se teneititi e 5 tausaga o lo’o tu’uina atu fo’i e lona tinā e na te fa’atauina atu oloa i tagata o lo’o i le auala.

E pei ua na’o le pau ia o nai tamaiti o lo’o mafai ona fa’atalanoaina mai le fia ma fia o le fanau o lo’o latou faia lea galuega i aso uma aua nai o latou aiga.

Tatou va’ai fo’i le tele o tamaiti o lo’o mafai ona o tatou vaai i fafo o falekalapu i le tele o po, ma e le na’o le pau ia.

O le to’atele o le fanau ua o le mafai ona toe o’o atu i aoga, ma o le tele o taimi o lo’o tatou molimauina le tele o le mau fa’afitauli e tula’i mai pea.

O le tele o taimi e pei ua tau i ai se tulaga o le taumafai ina ia leai se iuga. O lo’o tatou malamalama fo’i, o le tele o le fanau nei o lo’o faia so’o se mea e mafai ona o latou fesoasoani ai i matua ona ole tulaga pagatia o le leai o se tupe.

O se fa’apopoleina tele lea o lo’o i ai i le taimi lenei.

O le galuega lea a matua o fanau ina ia mafai ona maua se ola sa’oloto mai le tele o fa’afitauli.

O le mea lea e taua tele i o le maua ai lea e o tatou fanau le avanoa e a’o’oga ai ma o le fanau o le meaalofa lea mai le Atua.

O se feau taua ma le aoga e ao ona fa’atauaina. Ia manuia tele le vaiaso ma ia fa’amanuia le Atua.

© Samoa Observer 2016

Developed by Samoa Observer in Apia