Mana’omia se suavai

Tusia Fetalai Tuilulu’u ,

71 Hits

Mana’omia lava se suavai: Saua Pio.

Mana’omia lava se suavai: Saua Pio.

O le leai o se vai o se tasi le ao miti o lo’o moe miti ai se tasi o aiga i Aele. 

Sa maua le fa’atalatalanoaga ma Saua Pio o le afioaga o Aele a’o gafa ma le la’uina mai o vai mai le se tasi o ona tuaoi i lona fale. 

Sa maitauina i le fa’atalatalanoaga, e tusa ma le 4 tausaga tau na leai se vai o maua si ona aiga. 

“O le mea nei o lo’o taumafai lava e maua le ola ma le malosi mai le Ali’i. 

“O si o matou aiga e le tagolima ma o le taimi nei e leai se vai o’o mai ae le gata i si o matou aiga ae o nisi foi o si o matou nu’u. 

“O le vai le maua mai o mea’ai, fa’amama ai ipu ma tulaga fa’apena. 

“O le vai foi e totogi e $15 lava e ofaina atu le aiga ae la’u mai le vai. 

“O le tele o taimi e sefe lava le vai mo meaai ae su’e le vai e taeele ai aua foi a leai se $15 ua leai foi se vai e ola. 

Sa ia taua e faigata lava le olaga leai se vai, e leai se ola fiafai toe ola falolo. 

“E le gata le leai se vai ae o le leai foi o se tupe, o le vai e fa’amoemoe le tupe o le tupe e fa’amoemoe le vai.

“O lea se auala faigata tele. 

“O le tulaga sa’o lava le vai, o le aiga sa nonofo muamua i le fanau sa o ese ae lo’o ia le aitalafu tele lava le ofisa o vai. 

“Sa fiu si o’u tama e talosagaina le ina ia mafai ona maua mai se pau pe mafai foi ona toe toso si o matou vai ae le mafai ona e ao lava ona totogi le pili. 

“Ia o le taimi nei e leai lava se vai o iai, ma e leiloa foi po le a se taimi vave e maua ai. 

Sa taua e Saua le faigata le soifuaga. 

“E matua faigata lava se soifuaga le mea le iai nei. 

“A lava le seleni ona maua lea o le vai ae a leai se seleni ia ua leai lava se vai. 

“O le tulaga foi lea ua iai, ua tele lava na le aia se mea lelei ona o le sefe o le tpe, e pei ua ave lava le fa’amuamua le vai ona o le vaega taua. 

Mo se tasi e fia fesoasoani ia Saua Pio fa’afeso’otai le numera 7710357.

© Samoa Observer 2016

Developed by Samoa Observer in Apia