Ua toe taliu atu i le Faamasinoga Sui Faatutū, ua tuua’ia i ta’utinoga sese

Tusia Lanuola Tusani Tupufia ma Faaliliu e Seagaitumua Tupuola ,

207 Hits

Tu’ula Kiliri Tuitui of Lepa and Le Tagaloa Pita.

Tu’ula Kiliri Tuitui of Lepa and Le Tagaloa Pita.

E to’afa ni sui faatutu ia na faaleaogaina mai le tauva i le Faiga-Palota lautele ia Mati na toe taliu atu i le Faamasinoga Faa-Itumalo ananafi. 

O i latou ia o Leo’o Dr John Adams, Le Tagaloa Pita, Taula Faulaau Simi ma Tu’ula Kiliri Tuitui, le alii lea sa taumafai e tauva ma le Palemia o Tuilaepa Sailele Malielegaoi i Lepa. O ia sui faatutu ua tuua’ia e le Ofisa o le Komesina o Faiga-Palota ona o le faia o ni ta’utinoga tau faasese a’o agai atu i le faiga-palota. 

O le Alii Faamasino o le Faamasinoga Faa-Itumalo  o Lei’ataualesa Daryl Clarke, o loo taiulu i lea faamasinoga. 

O le mataupu a Leo’o lea sa avea ma sui faatu mo Aleipata Itupa i Luga, na ia teena lea moliaga. 

Sa fai ma ona sui le Loia o Te’o Richard Faai’uaso Leo’o o le a toe tulai i le aso 4 o Iulai.

O Taula Faulaau Simi o le isi lea sui faatu mo Aleipata Itupa i Luga. Na ia faaui i tua lona avea ma sui faatu ia Fepuari. Ae ui o lea-i totonu o le Faamasinoga Faa-Itumalo ananafi, ua molia Taula ona o le tuuina atu o se ta’utinoga sese e tusa ai ma se faasalaga i aso ua mavae. Na ia ioe i lona nofosala ma na talosagaina ai le Faamasinoga pe mafai ona ia faailoa atu se mea. 

Ae peitai, sa le’i faatagaina lea tulaga. 

“I le tulaga ua i ai nei taualumaga, e lei taitai ona taunuu i le mataupu e tatau ai ona matou lagā le mataupu tau le faasalaina,” o le faaaliga lea a le Alii Faamsino o Lei’ataualesa. “Ua na o se mataupu le aloa’ia o lau talosaga ma o le a talosagaina ai se lipoti ao lei faasalaina mo oe ma afai e i ai soo se mataupu e te mana’o e lāgā-e mafai ona e (faia lea tulaga)ma le Ofisa o le Faanofo Vaavaaia.” Na toe tolopo e le Alii Faamasino lea mataupu se’ia aulia le aso 12 o Me ina ia maua mai ai se otootoga o mea moni ma se lipoti a’o le’i faasalaina.  

Palauli Le Falefa 

O Le Tagaloa Pita lea sa tauva mai Palauli Le Falefa sa faapea foi ona tulaii luga o le Faamasinoga. 

.Sa fai ma ona sui le loia o Sarona Ponifasio-sa faailoa atu e le tamaitai i le Faamasinoga e faapea o lana paaga na te fia tuua le faamasinoga ae toe taliu mai ia Me.  

O le loia sa gafa ma moliaga, o Iliganoa Atoa na fai mai o ia moliaga e taau ona faamae’a ma na talosagaina ai le tolopoina. Na talia e Lei’ataualesa le talosaga ma tolopo ai mo le aso 10 o Me. A’o lumna’i ai le faiga-palota, sa le mafai e Le Tagaloa ona tauva ai –ona o lona tulaga agavaa sa lu’i e se tagi na faaulu e se Faipule mo Palauli Le Falefa, o Faumuina Tiatia Liuga.O le mataupu mulimuli o le sui faatu lea e toatasi mo Lepa e faasaga i le Palemia, o Tuilaepsa Sailele Malielegaoi, o Tu’ula Kiliri Tuitui. Na talosagaina e Ms. Atoa ina ia tolopo a’o faamae’a e lona ofisa moliaga e faasaga ia Tu’ula. 

Ua tolopo nei se’ia aulia le aso 3 o Me 

© Samoa Observer 2016

Developed by Samoa Observer in Apia