Fa’amuamua aiga

Tusia Aruna Lolani ,

84 Hits

Leala Aloese.

Leala Aloese.

Na maua le fa’atalatalanoaga a le Fofoga o Samoa ma Leala Aloese, 37 le matua o lona soifua mai Taga Savai’i ma Nu’u Fou ma na ia fa’ailoa ai le 

“E leai se mea e ma ai fua se tagata ola i lo latou tigaina i aso uma e tau atina’e o latou olaga.” O lona manatu fa’aalia lea i le Fofoga o Samoa ananafi. 

“E pau a le tagata e faigaluega i lo’u aiga o lo’u to’alua ma o le mafuaaga na o lo’o fa’atau ai ou aufa’i ina ia maua fo’i se fesoasoani atu ia te ia i le su’eina o se seleni. 

“E pei o le olaga a na mo a’u a ia ae ou te talitonu o le to’atele a o matua e ola fo’i ile olaga lea ou te ola ai aua le tausiga o o latou aiga. 

Na fa’aalia e Leala i le Fofoga o Samoa, o lona to’alua e faigaluega tausi tama i le tasi o ulugali’i i Vaitele ma o a lea lava le seleni e maua mai ai, e fa’asoa lava i mea fai a le aiga. 

I le malamalamaga o Leulu, e mo’i a e faigata ma laua tigaina i le su’eina o se tupe ae e leai se mea e popole ai e pau lea o le alagatupe mo lona aiga aemaise lona atali’i. 

“Ma’ua te fa’amuamua lava le aoga a si o’u atali’i. 

“E tusa lava po’o lea lava le tele o isi mea e saputu mai, ou te fa’amuamua lava le aoga a si o’u atali’i ma va’ai lelei po’o atoa mea o ia mana’omia mo le aoga. 

“O le tupe masani a lo’u to’alua e maua, e $100 ile vaiaso, ae e lava ma totoe lenei seleni mo matou e to’atolu. 

“ $100 e lava ai fa’asoa a le matou a ia aiga ae a fa’apea e fai ni saogatupe a le nu’u ma le lotu, ia ona faigata lea ona fa’asoasoa lena $100. 

“Pei o se mafuaaga na ou te sau ai fa’atau atu aufa’t, o fuala’au aina ma tauaga i isi taimi e fesoasoani ai i isi mea fai. 

Na ia fa’aalia i le Fofoga o Samoa, pe lelava pe gasegase o ia, e le fa’avaivai lava o ia mai le fa’atauina atu o ana meamata i luma o le auala tau ina maua se tupe aua e alofa tele i lona aiga. 

“E le faigofie le su’eina o le tupe ae o se mea lava e tatau ona tatou galue ai i aso uma.

Sa fesiligia e le Fofoga o Samoa Leala pe taugata le soifuaaga i lenei vaitaimi ia te ia, ma na ia fa’ailoa mai ai, i lona a ia manatu, e pei ai o le tele o fale’oloa a Saini ia e fa’amama avega mai i tagata pei o ia. 

“ E tele a na tomumu le to’atele o tagata Samoa ile aveina uma e le ‘au Saina o fanua, ae pei ole au Saina le e tele na maua ai avanoa e faigaluega ai isi. O le ‘au Saina fo’i le maua ai isi ‘oloa taugofie fa’apea fo’i alaisa ia tatou te ‘aai ai i aso uma. 

“Ou te fa’afetai a a’u ia i le ‘au Saina aua o se fesoasoani tele lea mai le taugata ole soifuaga i lenei vaitaimi aua o lo’u a ia va’ai, e toe fasi oti a e tatou ia tatou.

“Ma o le mea moni lava lena.

O lo’o galue malosi Leala aua se lumana’i manuia mo lona atali’i.  O lona talitonuga, a e le galue malosi ma le fa’amaoni, ma e maua le loto onosa’i ma le loto alofa, e leai ma sou mea aoga e maua.

© Samoa Observer 2016

Developed by Samoa Observer in Apia