Fuafuaga Tau A’oa’oga a le Tautua

182 Hits

Afualo Dr. Wood Salele.

Afualo Dr. Wood Salele.

Tusia - Deidre Fanene

Faaliliu e Seagaitumua Tupuola

 

Ua faatu mai e le Tautua Samoa Party le faavaeina o se “Teugatupe Tau Aoaoga a le Atunuu”-ina ia mafai ai e tamaiti a’oga ona saili se fesoasoani e totogi lona pili a’oga mo se Kolisi ma a’oa’oga i le iunivesite. 

O se tasi lenei o le tele o fuafuaga o loo fia faatino e le Pati, pe afai latou te manumalo i le Faiga Palota Lautele i le aso 4 o Mati 2016. 

E ala i sana faaaliga i le Samoa Observer, fai mai le Minisita Faaolioli o Tupe a le Pati, o Afualo Dr. Wood Salele-o lea taumafai o loo atagia ai le noatia o le Tautua Samoa i le mataupu tau a’oa’oga.

 “I le taimi nei, o loo fesoasoani le malo i le totogiina o pili o a’oga mo le Tausaga 1-Tausaga 8 ma le Tausaga 9 i le taimi nei i le Tausaga 11-talu ai o lena tulaga o loo i lalo o Fesoasoani a Niu Sila ma Ausetalai,” o lana faaaliga lea. 

Ae ui o lea, o la’u vaai i ai e tusa ai ma lea faiga o loo matou tilotilo i ai, e foliga mai ua i le malo le pule e tuuina atu ai nei tupe tau aoaoga mai le Tausaga 1 e o’o i le Tausaga 11-ae tuu le Tausaga 12 e o’o i le iunivesite i matua. Mo i matou –o se tulaga lenei e matua le talafeagai.” 

“ A e faataatia ni faiga faavae, e tatau lava ona i ai se matafaioi i totonu ae tatau foi ona faatino ma le alofa na mea uma. 

“E mafai faapefea e i latou (malo) ona tuu le vaega e aupito i sili ona taua o le aoaoina o fanau i matua?  O le vaega aupito i taugata lenei o le aoaoina o se tamaitiiti ma o le tulaga tonu lea o le a ofi mai ai lenei fuafuaga tau aoaoga.”

Fai mai Afualo e tolu vaega o le fuafuaga ua latou faatu atu.  “O le vaega muamua o matua, o lona lua o vaega o le setete poo le malo, ma lona tolu o le tagata e faaaogaina  lea e faasino i tamaiti a’oga,” o lana faaaliga lea.”

E tele mafaufauga sa matou tuuina atu i lenei fuafuaga faatasi ai ma le manatu e faapea o ia vaega uma e tolu –e tofu ma le saofaga.” O le mea lea-mai le Tausaga 1 e o’o i le Tausaga 8 i le taimi nei ma le lumana’i-e mafai lava e matua ona totogi-talu ai e na o $20 tala i le vaituuaga e tasi, e le o se tupe tele lea.  

 “O lona uiga-afai tatou tuu lea tiute i matua ae tuu le malo e gafa ma le Tausaga 9 – Tausaga 13-lea o loo avea ma vaega aupito i taua tau aoaoga. O le vaega tonu e aoga i ai lea Faaputugatupe.”

Fai mai Afualo o lea faaputugatupe o le a aofia ai tagata uma lava- e aofia ai aoga tua ma a’oga a ekalesia.

O le atamai atoatoa o loo lautua i lenei fuafuaga mata-tolu o le fai lea ia mautinoa e faapea ia  i ai se leo o matua i totonu o le aoaoina o tamaiti a’oga faatasi ai ma le malo o loo i le ogatotonu ma soo se mea lava o loo totoe tau le aoaoina.”

Ina ua fesiligi pe o gafea o lenei fuafuaga o le a tuua ai le faiga tau sikolasipi i le taimi nei, fai mai a ia: “Matou te le lafoa’ina sikolasipi, o le a tumau pea ona i ai ma o ia avanoa e mo le tauvaga a tamaiti a’oga.” 

© Samoa Observer 2016

Developed by Samoa Observer in Apia