E le’o a’e atu le vai - Tauvasa

By Sarafina Sanerivi 26 November 2016, 12:00AM

“Ia o le  tulaga e pei ona i ai le taeao lenei o lo’o taumafai e ki atu le paelo lenei aua vai taumafa o le aiga aemaise o nisi o vaega e fia faia.” Tauvasa Toese, 47 le matua o le soifua o Solosolo.

O lea le finagalo o le tinā i a Tauvasa ina ua afea e le  Fofoga o Samoa i le aso ananafi a’o i ai ma lona alo i le tau fa’atalitaliina o le suavai i le ofe  o lo’o i tafā auala o le afio’aga ananafi.

Na ia fa’ailoa o le taimi lenei ua fai si umi e le’i toe a’e atu le suavai i le vaega po o le isi pitonu’u o le afio’aga o lo’o alala ai le taimi lenei le aiga.

“Ia o lea la ua ma omai ma se’i atu le ofe lenei ina ia faigofie ai ona maua le suavai ma fa’atali atu ai vai o le pa’elo.

“Ua mafua lea tulaga ia ona e le au atu le vai i le isi  itu o lo’o i ai a’u ma le fanau, o le itu mautinoa e o’o atu le ofe ae o le fa’alavelave e le a’e le vai i o i le la itu i le tele o taimi.

“O lea lava le galuega e mafua ai ona o’o mai lenei itu mo se suavai maua aua vaiinu.

Sa ia fa’ailoa sa mafai ona o’o atu le suavai i nai tausaga ua mavae ae ua alu alu e o’o mai i le taimi lenei ia ua faigata lava.

Sa ia ta’ua fo’i o le taimi lenei o lo’o ua fuafua se galuega a le aiga mo le taumafai e fa’ao’o atu le suavai i lo latou aiga.

“O lo’o ua i ai ofe o lo’o ua ta’atitia ia masalo o le le leai o ni tagata e ta’i ofe nei ua fa’atuai ai le toe avatu o le suavai i tua.

“Ae masalo o le a le toe mamao ona fa’atino lea o lea vaega pe ā maua le avanoa a le fanau.

“Ia e tasi lava le aso matou te omai ai e avatu le vai e le fa’apea e matou te omai i aso uma, ia ae pe tasi lava le paelo aua lava  le fanau laiti.

 “E pei ona fa’ailoa atu muamua o le la ua o’o atu le vai ae o le fa’alavelave e le’o lava le alu atu a le vai.

“Ia o le naunauta’iga lava mo a’u ia vave ona o’o atu le suavai aua ua fai si leva o le faiga lenei ae pei o lea le fa’anaunauta’iga.

“Ae o lo’o sologa lelei lava mea uma. 

By Sarafina Sanerivi 26 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>