Faigatā feuia’iga ona o le leaga o ‘auala

By Vatapuia Maiava ma Ilia L Likou 27 October 2016, 12:00AM

“O auala nei ua tatau lava ona i ai se fuafuaga fa’avavave mo tua nei.” O le finagalo lea o le tamā i a Latū Isa’ako, 54 le matua o le soifua o le afio’aga o Nu’u Fou i le aso ananafi i le Fofoga o Samoa.

“O le fa’afitauli muamua lava ‘i’inei o le vai, aepeita’i ina ua titilo i femalaga’iga, ole fa’afitauli e pei ona tagataga’i ma silasila mai ai o le auala.

Ua leva ona nofoia e Latū ma le aiga lea vaega o le atunu’u i Nu’u Fou ma na ia saunoa le tatau ai lea ona fa’atinoina ni galuega mo le  fa’aleleia o auala ona ua va’ai ma le alofa i le to’atele o le mamalu o le atunu’u i lea vaega o le atunu’u. 

“ Ia o le mea muamua lava i lo matou omai ai i tua nei o le vai..a?

“ Peitai ina ua titilo i le feuiaiga ia ua fai si faigata o mea tau  auala, ua outou taga’i ma silasila i ai o le fa’afitauli ogaoga i tua nei o le auala.

“Ia a fua ai femagalaiga a ta’avale, a omai i taxi e mumusu taxi e omai i tua nei ona o le leaga o le auala.

 “Ua maitauina ua leva ona i ai le tu’ualalo ina ia fa’aleleia auala aua sa uia foi faipule sa palota ai ia  o le tala lea, ia ua lelei a tula’i mai  ia ua fai, ae leai lava.

“E fa’afetai ai lenei polokalame mo le malo ua mana’omai le faia o le auala i tua nei.

“Ia i le tulaga lava ia i tua nei i auala, aua o lea tatou te i ai pea, ia o le mea lava lea  o lo’o mana’omia pea.

“Ia e faigata na tuli atu i tua nei le pasi ia o le isi lea fa’afitauli ogaoga, ia ma taimi le pogisa, ia o auala fo’i nei, a timuga , ia e lolovaia atoa lava, ia e pei o tulaga.

“E tusa ai ma se finagalo , o le manaoga lava lea ua i ai , ina ia fai loa, e le’o i ai se fuafuaga e fa’apea e tatali umi lea manaoga ae o le taimi nei ua mana’omia le fa’aleleia o le auala. “O tulaga lava ia a fa’apea afifio mai nei le mamalu o le malo ma e mautofi aemaise o faauluuluga o minisita o auala ua tatau lava ona i ai se fuafuaga fa’avavave.

By Vatapuia Maiava ma Ilia L Likou 27 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>