Mana’omia se fesoasoani mo se tane vai

Tusia Aruna Lolani ma Ilia L. Likou ,

56 Hits

O le tina ia Fa’apaia Vili mai Fusi Safata.

O le tina ia Fa’apaia Vili mai Fusi Safata.

O le aso ananafi na maua ai le fa’atalatalanoaga ma le tinā i a Fa’apaia Vili o Fusi Safata.

Na ia ta’ua le tulaga mana’omia ai o se tanevai mo latou aiga.

“Ia o lo’o sologa lelei mea uma, o le nu’u nei e pei ona e va’aa’ai atu ia e lua vaipuna o lo’o maua mai ai le suavai maua i taimi uma.” O lana tala mai lea.

“O si o matou aiga, ia e le to’atele nisi, ae pei o lo’o i ai le tane o lo’o fa’amoemoe tele ai mo vaiinu ma tulaga fa’apena mo le kukaina ai o mea’ai.

“E pei o lea le tulaga o lo’o mana’omia tele ai lea tulaga i si o matou nei fo’i pito ma le aiga , ia o se tanevai.

“O lo’o fua fo’i le seleni maua, ona ua le toe taugofie nei vaitaimi ua tatou i ai.

O Fa’apa’ia e toasefulu lana fanau.

“Ia ua matutua lava ma ua fai lava le aiga o le tagata ia.” 

“O lea lava le agaga o lo’o i ai le taimi lenei, ia mafai ona maua uma e tatou o so’o se vaega aua le aga’i atu ai le lumanai aemaise o manuia o aiga.

“Ae o le itu i le tausiga o aiga i tua nei, o lo’o sologa lelei mea uma, e pau lava le tulaga faigata lea ua i ai , ia ua taugata lava le tau o le soifuaga.

“Ua faigata ona toe maua ni oloa taugofie, ona o le tulaga fo’i lea o le le mafai ona fa’aleleia vaega e tele ona ua televave lava le soifuaga ua tatou i ai nei.

Na ia fa’ailoa e le mafai ona toe tete’e se tasi i suiga ua i ai nei.

“E pei o lea le tulaga ua i ai le taimi lenei, ua le mafai lava ona toe faia i ai se togafiti.

“Ia ae tatou talia, e le mafai ona toe tete’e atu e nisi suiga , ua saosaoa le alu i luga o le tau o le soifuaga.

Na ia fa’ailoa o le itu e pito sili ona taua , o le taumafai lava lea ina ia fa’atuina nisi o vaega mo le lelei alu i luma o le lumana’i.

“Ia fa’ateleina faleaoga, aemaise o le tau itiitia i lalo o le tau o le soifuaga o lo’o ua tatou i ai le taimi lenei.”

© Samoa Observer 2016

Developed by Samoa Observer in Apia