Fa’amoemoe lava le Ali’i fa’afitauli

By Aruna Lolani 26 June 2017, 12:00AM

 E leai lava se tagata e fa’atu’iese le tele o suiga ua iai nie lenei olaga. 

O lea le manatu o  le tamā ia Malae Tele Tupulua o Leulumoega Tai ma Lalomauga i le fa’atalatalanoga ma le Fofoga o Samoa. 

“Ua tele lava fa’afitauli e fetaia’i ma tatou peitai ona o le tele o suiga ua ofi mai. 

“O le tele o nei fa’afitauli e tutupu e a’afia uma ia le atunu’u, o tinā, tamā ma le fanau. 

“Fai mai foi o Samoa e fa’avae le Atua, ae o va’aiaga ma uiga o lo’o alia’i mai i Samoa e le’o se atunu’u e sefe ma maopopo ona tagata. 

“O lenei vaitau ua iai, e tonu lava le tagata i ona manatu. 

“O le tele foi o fa’afitauli ma mea o lo’o tutupu mai e afua mai lava i totonu o aiga ma feeseeseaiga. 

“Ua leai se vaiaso ma se fa’afitauli e tupu mai, o le tele o tagata ua fa’ao’olima lava le tasi i le tasi o nisi foi ua fai aiga i fanau. 

“Fa’afefea na tatou fa’apea mai o Samoa e fa’avae le Atua e o le tele o nei mea e tutupu mai e le’o se tulaga tau le Atua. 

Sa taua e le tamā o Samoa foi o se atunu’u uma ona tofi ma e Kerisiano foi ona tagata. 

“Ioe o Samoa o se atunu’u keresiano, ae aisea ea ua faia ai nei fa’afitauli ma tulaga e ave esea ai le kerisiano o tagata. 

“Ou te le fa’apea atu ou te fiamama pe a lava. E iai foi a’u agasala peitai o le tatalo lava le Ali’i e puipui mai ma fa’amagalo mai. 

Sa taua e le tama le a’umega malosi lava o le tatalo. 

“Masalo o  le fa’amoemoe o le to’atele i le malosi ma le atamai ua iai nei ua ala ai nei fa’afitauli. 

“Ia o le tele lava lena o tagata ua iai nei, o le fa’amoemoe lava i le malosi ma le poto salalau ae ua le fa’amoemoe le Ali’i e ona le malosi uma.

“Ia pei foi ona tagatagaa’i mai o le lava ou te malosi lava ma mafai ona ou savali ona o le fa’amoemoe lava i le Ali’i e fesoasoani mai aumai le malosi. 

“E fa’apena foi se manatu o le fa’amoemoe lava i le ali’i e aumai se tali ma se manatu lelei ma ia taitai ala foi i o tatou ala uma. 

“O le fa’amoemoe lava le Atua e ona le malosi, aua o ia o se tamā gamalu, agaalofa ma fesoasoani mai i o tatou puapuagatia. 

By Aruna Lolani 26 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>