E tatau lava na ave le fa’amuamua le fanau

Tusia Aruna Lolani ma Fetalai Tuilulu’u ,

51 Hits

Elisapeta Tomasi o Siusega ma Falealupo.

Elisapeta Tomasi o Siusega ma Falealupo.

O Elisapeta o se tinā to’afa le fanau mai le afioaga o Siusega ma Falealupo i Savai’i. Na maua le fa’atalatalanoaga le Fofoga o Samoa ma sa ia fa’ailoa ai le Atunu’u ae maise lava i tinā le taua o le latou  galuega fai i totonu o aiga. 

“Ia o a’u lava ia e to’afa si a’u fanau, ou te le faigaluega, ae o lo’o fa’amoemoe lava i lo’u to’alua le alagatupe aua mea fai ma fa’alavelave ae mai se le fanau le aoga. 

“Mo le silafia, o nei vaitau ua le toe tutusa lava ma ua fai lava sina saosaoa le alu o le soifuaga. 

“Ua tele lava o fa’afitauli alia’i mai i totonu o aiga ae maise lava itupā o tama’ita’i ae maise le fanau teine, e o’otia ai lava le loto ma le mafaufau. 

“O le uiga i lo’u fa’amatalaga, ta te le mafaufauina e tutupu nei mea i totonu o Samoa. 

“Peitai o se va’aiga fa’anoanoa le tele mai o fa’afitauli e pito tasi lava le itupa o teine. 

“Ua ota molimauina foi ma ota iloaina ua o lo’o o’u vaai ai le taulaga o Apia. 

“Ia e pei o le ala tonu foi le e vatu ai sina lu’itau i matua ae maise lava tinā i latou galuega fai. 

“Ou te le’o fa’apea atu o tamā e leai se latou sao i le fanau, ae o lo’u lava ia tagata, o tinā e pei o le latou matafaioi tonu lava lea o le fa’afaileleina  o le fanau ae maise lava le itupa o tama’itai. 

“O tinā o pae ma auli o aiga o latou foi e gafa tonu ma le tiute lea o le tausiian o aiga ae maise lava le fanau. 

“E tu’uaia lava le tama aua o latou o lo’o gafa ma le fatuaiga tausi ae o le tina lava ai e gafa ma le tausiina o le fanau ma le fa’afaileleina o tamaiti. 

“E ao foi ona puipui ma vaa’i fa’alelei le fanau teine ma ia nonofo fa’atasi. 

“E pei o le isi lava lena fa’afitauli o le ala tutupu o fa’afitauli fa’asaga i le fanau ae maise le fanau teine o le le mafutaga fa’atasi o le fanau ma matua. 

“O le leai se upu a matua e avea le fanau ona  e le mafuta fa’atasi. Ae le gata i lea  o le le tapuai le ali’i. 

© Samoa Observer 2016

Developed by Samoa Observer in Apia