TA’UTINOGA A SAGATO AOKUSITINO-OLA FAATA’ITA’I IA KERISO

Tusia Fuimaono Na’oia Faasavalu Touli F. Tupua ,

695 Hits

- Confessions of St. Augustine-Immitation of Christ.

- Confessions of St. Augustine-Immitation of Christ.

E UIGA I LE FAANANAU MO LE OLA E FAAVAVAU- MA LE UIGA ESE O FAAMANUIAGA- UA FOLAFOLA ATU IA I LATOU -E TAUIVI PEA -

(Of the desire after eternal life, and how great blessings are promised to those who strive)

E tatau ona tofotofoina pea oe i le lalolagi nei, ma su’esu’eina i le tele o mea. O le a e maua le faamafanafanaga mai lea taimi i lea taimi-ma o le a e tuuina atu ma le loto faamalieina e matua tele lava. O le mea lea e tatau ai ona e lototele-ma ia e lototele e galue ma le pagatia i mea tiga -e faasaga-tau atu ia te oe. Ia avea oe ma tagata fou, ma ia liua oe e avea ma le isi tagata.

E tatau ona e faia i taimi uma mea e le tatau ona e faia-ma e tatau ona e tuua ai faale-uma-mea e tatau ona e faia. O lenei taumafaiga-o lona natura i nisi taimi- o le a faatumulia i le faanoanoa; ma o se mea uiga ese -pe a e tali atu i ai e aunoa ma se leo.

I lenei mea ma le tele lava o is mea faapenei-e mana’omia ona tofotofoina ai le auauna faamaoni a le Alii-ina ia iloa ai pe o le a le tele o lona mafai ona teena o ia lava- ma tuuina atu o ia i lalo o le pule a mea uma lava. Ae peitai Lo’u Atalii e, o le fua o nei mea tiga-o le vave lea ona uma, ma o lona taui -e matua tele lava-ma e tatau ona e maua ai-e leai se tiga o lau tali atu i ai-ae o le faamafanafanaga sili-o lou onosa’i lea!

© Samoa Observer 2016

Developed by Samoa Observer in Apia