Sami ma le eleele faigofie le olaga

By Aruna Lolani 27 May 2017, 12:00AM

O le talitonuga o Futivanu Paeali’i i le Fofoga o Samoa o le auala sili ona taua e ola ai le tagata o le galue le eleele ma fagota le gataifale. 

O le ali’i lenei e 30 ona tausaga ma le afioaga o Solosolo ma o ia foi se ali’i galue malosi aua lava lona aiga e ala i le auala sa fa’amoemoe iai Samoa o le vao ma le sami. 

“Ia o a’u o le sami lava ma le fa’aotaga o lo’o fa’amoemoe iai le tausiga si o’u aiga. 

“A ou fia mana’omia se mea’ai ia fagota aua se i’a, a ou fia mana’omia se seleni, ia ave nai talo ma fa’i e fa’atau le makeki aua se tupe. 

“O matou e fa’amoemoe mea uma lava tau seleni i uso ma tuafafine i fafo,  aua na’o a’u lava o lo’o gafa ma le tausiga o matou matua. 

“Ia o le pau lava lo’u a’u ia tiute o le su’e le meaaia ua se fa’asili ga malosi a na’i o’u matua ae o tupe ma tulaga uma tau fa’alavelave e vili lava i vaega la i fafo. 

Sa taua e Futivanu e na te leiloa pe aisea e oi ai le to’atele o tagata i lenei vaitau, ae o lo’o faigofie uma mea uma ona o le itu tau eleele ma le sami. 

“Mo le silafia, o Samoa o se atunu’u e tele i oa ma meaai o lo’o maua ai. 

“E leai lava se popole aua o lo’o iai lava i fanua ma eleele. 

“Ae o le fa’alavelave ma le fa’afitauli o le fai palalagi ma le fia maumea o tagata e ala ai ona pologa ma afua ai le mativa. 

O le manatu o Fativanu fa’afetai lava ia ona o  le ola i Samoa. 

“Ou te leiloa e a’u le itu o lo’o matitiva ai tagata ae ou te fa’afetai lava ona o tulaga tau eleele ma le sami o lo’o iai nei e maua ai meaai. 

“E manaia lava le olaga i tua nei le nu’u, pei foi ona tou maua mai o lea tau su’e atu se i’a aua lava le meaai le toeaina ma le lo’o matua latou. 

“O a’u e fagota le taeao toe fagota le po, o na’i o’u matua e fia aai lava laua le i’a ma e silia tu foi nai lo meaai o lo’o fa’atau mai le faleoloa. 

“O lenei vaitau ua faigata lava na fa’aiteete le soifua o tagata matutua o lea foi la e taumafai lava e ai le i’a le taeao toe ai foi le i’a le afiafi ma e fiafia ai lava i laua.  

“O lo’u tina lava lo’u ola tautua. 

“Ou  te mana’o lava ia lelei ona tausi lona soifua maloloina ma out e mana’o foi e aua nei maua se ma’i le tino. 

“Ia tumau pea lona malosi ma le umi lona soifua matou the mafuta ai. 

By Aruna Lolani 27 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>